Open Air-ის გამო ლისის ტბის მიმდებარედ სატრანსპორტო მოძრაობა ნაწილობრივ შეიზღუდება
სამი დღის განმავლობაში თბილისში, ლისის ტბის მიმდებარედ, ლეო კვაჭაძის ქუჩაზე, ავტომობილების გადაადგილება ნაწილობრივ შეიზღუდება. ინფორმაციას თბილისის მერია ავრცელებს.
სამდღიანი ფესტივალი Tbilisi Open Air 2024 ლისის ტბის მიმდებარე ტერიტორიაზე 21, 22 და 23 ივნისს იმართება.
ლეო კვაჭაძის ქუჩაზე, რომელიც ლისის ტბის ასახვევიდან მარცხენა მხარეს მიუყვება ტბას, სატრანსპორტო შეზღუდვები იმოქმედებს დილის 10:00 საათიდან ღამის 01:00 საათამდე.
„დროის აღნიშნულ მონაკვეთში, ლეო კვაჭაძისა და ბარბარე ყიფიანის ქუჩების კვეთიდან ლისის ტბის მიმართულებით მოძრავი ავტომობილები გადაადგილებას შეძლებენ ცალმხრივად, მხოლოდ იოსებ კეჭაყმაძის ქუჩის მიმართულებით, კეჭაყმაძის ქუჩიდან ბესარიონ ჟღენტისა და პაატა დათუაშვილის ქუჩებისკენ მიმავალი მძღოლები კი, გადაადგილდებიან თხინვალასა და ავთო ვარაზის ქუჩების გავლით, რის შემდეგაც, მოძრაობას დაგეგმილი სქემით გააგრძელებენ“, - აცხადებენ თბილისის მერიაში.
ამ სამი დღის განმავლობაში იცვლება საზოგადოებრივი ტრანსპორტის, ავტობუსების (N107, N329 და N363) მარშრუტებიც:
- N329 ავტობუსი სოფელი თხინვალადან ონკოლოგიური კვლევითი ცენტრისკენ იმოძრავებს, ავთო ვარაზისა და ელგუჯა ამაშუკელის ქუჩების გავლით;
- N363 ავტობუსი თხინვალადან მეტროსადგურ „დელისის“ მიმართულებით ვარაზისა და ჟღენტის ქუჩების გავლით გადაადგილდება, შემდეგ კი ფერმწერთა ქუჩაზე, ტატა თვალჭრელიძის ქუჩის კვეთასთან მოუხვევს;
- N107 კეჭაყმაძის ქუჩის ნაცვლად იმოძრავებს ვარაზისა და ჟღენტის ქუჩების გავლით.
Open Air-ი ყოველწლიური მუსიკალური ფესტივალია, რომელიც დედაქალაქში იმართება. ამ დროის მონაცემებით, ფესტივალისთვის თბილისის მერია დროებით მოქმედ ტრანსპორტს არ ნიშნავს.
სიახლეები
- ქუთაისში სოხუმის დაცემის 31 წლისთავთან დაკავშირებით, აფხაზეთის ომში დაღუპულთა ხსოვნას პატივი მიაგეს
- ,,ენგურის ხიდთან მოვედით, რათა ძალიან ხმამაღლა ვთქვათ: რუსეთს, აგრესორს საქართველოს მოქალაქე ბოდიშს არ მოუხდის"- მამაუკა ხაზარაძე
- ,, მინდა ივანიშვილს ვკითხო: სად არის დანგრეული, შენ მიერ განადგურებული „ლაგუნა ვერეს“ პლაკატი? სად არის გავერანებული ანაკლია, რომელიც დაბომბილს ჰგავს?"- მიხეილ სააკაშვილი
- „საზოგადოებამ კარგად უნდა გაიაზროს, რა არის ომის ფასი“ - ირაკლი კობახიძე
- ქარიშხალ „ჰელენს“ სამი ადამიანი ემსხვერპლა აშშ-ში