“ჩვენს ვეტერანებს, თითოეულ ვალმოხდილ მეომარს, ვულოცავ დღევანდელ დღეს – მადლობას გიხდით გმირობისა და სიმამაცისთვის” – ირაკლი ჩიქოვანი
“ჩვენს ვეტერანებს, თითოეულ ვალმოხდილ მეომარს, ვულოცავ დღევანდელ დღეს – მადლობას გიხდით გმირობისა და სიმამაცისთვის”, – ამის შესახებ თავდაცვის მინისტრმა, ირაკლი ჩიქოვანმა ვეტერანის დღისადმი მიძღვნილი ღონისძიებაზე სიტყვით გამოსვლისას განაცხადა.
„მოგესალმებით ბატონო პრემიერ-მინისტრო, ოფიცრებო, პატივცემულო სტუმრებო, განსაკუთრებული პატივით მივესალმები ჩვენს ვეტერანებს, თითოეულ ვალმოხდილ მეომარს და ვულოცავ დღევანდელ დღეს. თქვენ ხართ ღვაწლმოსილი ადამიანები, ვისაც სამშობლოს დაცვის საპატიო მისია გერგოთ წილად, როდესაც ჩვენს ქვეყანას ყველაზე მეტად უჭირდა. მინდა გულითადი მადლობა გადაგიხადოთ ამ გმირობისა და სიმამაცისთვის. თქვენი ერთგული სამსახური და თავდადება სამშობლოს წინაშე ფასდაუდებელია. ქვეყნის მომავლისთვის განსაკუთრებულად მნიშვნელოვანია პატრიოტიზმი, სიმტკიცე და ეროვნული ღირებულებებისადმი ერთგულება, რომლითაც თითოეული ვეტერანი იცავდა ქვეყანას და მის თავისუფლებას. თქვენს მაგალითზე აღიზარდა ქართველ ჯარისკაცთა მრავალი თაობა და მათ არაერთხელ დაამტკიცეს, რომ თქვენი ღირსეული შთამომავლები არიან. ვამაყობთ, რომ თქვენი სახით ახალ თაობას წარსულთან მიახლოების და კიდევ ერთხელ მადლიერების გამოხატვის შესაძლებლობა აქვს. ქართველი კაცის თავგანწირვა, ვაჟკაცობის ნიმუშად იქცა ყველგან, სადაც კი ჩვენს ჯარისკაცს უბრძოლია. სამწუხაროდ, არაერთი მებრძოლი დაეცა ჩვენი ქვეყნისთვის ბრძოლაში. მინდა ქედი მოვიხარო თითოეული გმირის ხსოვნის წინაშე. განსაკუთრებით მინდა მივესალმო ჩვენს დაუმარცხებელ, დაჭრილ, დაშავებულ ვეტერანებს, რომლებმაც საკუთარი ჯანმრთელობის ფასად შეასრულეს მხედრული ვალი და იქცნენ ჩვენი ჯარის პროფესიონალიზმისა და სიმამაცის ცოცხალ მაგალითებად“, – განაცხადა ჩიქოვანმა.
სიახლეები
- " წინა ხელისუფლების დროს არ არსებობდა მყარი სოციალური გარანტიები ვეტერანებისთვის, ხელისუფლებაში მოსვლისთანავე ჩვენ დავიწყეთ აქტიური მუშაობა ამ მიმართულებით " - ირაკლი კობახიძე
- " უსამშობლო ოპოზიციური სუბიექტები გარკვეული არეულობის მოსაწყობად ემზადებიან " - გია ვოლსკი
- “ამჟამად, საქართველოში ცირკულირებს ძველი კორონავირუსი” – ივანე ჩხაიძე
- " ჩემი პრეზიდენტობა არ იქნება ჯო ბაიდენის პრეზიდენტობის გაგრძელება " - კამალა ჰარისი
- " თუ პროევროპული ძალები და ქარტიის ხელმომწერი პარტიები არჩევნებში გაიმარჯვებენ, სავარაუდოდ, მათთან ერთად ვიქნები " - სალომე ზურაბიშვილი