„მაგთი“ განმარტავს, რატომ გაითიშა მობილური და ოპტიკური ინტერნეტი
საქართველოში ყველაზე დიდი ინტერნეტპროვაიდერი „მაგთი“ განმარტავს, რომ გუშინ, 27 იანვარს, რამდენიმე საათის განმავლობაში ინტერნეტი გათიშული იყო საქართველოსა და თურქეთში ქსელის დაზიანების გამო. ეს არის კომპანიის პირველი განცხადება 27 იანვრის შეფერხების მიზეზზე.
„მაგთი“ აცხადებს, რომ საქართველოს ინტერნეტთან წვდომა აქვს გადაზღვეული არხებით, რომელთაგან ერთი თურქეთის ტერიტორიაზე დაზიანდა გუშინ, 27 იანვარს. მეორე, სარეზერვო არხი კი სამ ადგილზე დაზიანდა საქართველოში, აჭარის რეგიონში. მაგთის თანახმად, ეს მოხდა 27 იანვარს, 21:21 საათზე.
კომპანიის განცხადებაში წერია, რომ თურქეთის ტერიტორიაზე დიდთოვლობისა და ზვავსაშიშროების გამო ვერ ხერხდება პარტნიორი კომპანიის ტექნიკური ჯგუფების დაზიანების წერტილამდე მისვლა. ამავე განცხადების თანახმად, საქართველოში მომხდარი სამი „საეჭვო დაზიანების“ ფაქტზე ინფორმაცია სამართალდამცავ უწყებებს მიაწოდეს.
აჭარაში სამივე დაზიანება სრულად აღმოიფხვრა 28 იანვრის 01:54-ზე, შესაბამისად ამ დროიდან „მაგთის“ აბონენტებს ინტერნეტის მიწოდება აღუდგათ.
„მაგთიკომი“ ერთ-ერთი ყველაზე დიდი ინტერნეტპროვაიდერია საქართველოში. კომპანიის ვებგვერდზე განთავსებული ინფორმაციის მიხედვით, მას 3 მილიონზე მეტი მომხმარებელი ჰყავს.
სიახლეები
- "ევროსაბჭოში ის ინიცირებული ვარიანტი, რაც ჩვენ ვნახეთ, პირდაპირ შეურაცხყოფას აყენებს როგორც სტრასბურგის სასამართლოს, ასევე ეუთო/ოდირის მისიას " - რატი იონათამიშვილი
- " ახალი არჩევნები, შესაძლოა, აპრილში ჩატარდეს - დროებითი მთავრობა გამორიცხულია" - ალექსანდრ ვუჩიჩი
- " მზია ამაღლობელი არის ჩვენი სინდისი, ჩვენი სახე, სიამაყე, რომელიც წინააღმდეგობას უწევს ივანიშვილის რეჟიმის მცდელობას, საქართველო რუსეთში ჩაითრიოს"- სალომე ზურაბიშვილი
- მსახიობი ალეკო თეთრაშვილი გარდაიცვალა
- "მზია ამაღლობელისთვის წარდგენილი ბრალდება და წინასწარი პატიმრობა გადაჭარბებული და გაუმართლებელი ჩანს"- პეტერ ფიშერი
