"ნოვრუზ ბაირამს ვულოცავ ყველა მოქალაქეს, რომელიც დღეს აღნიშნავს გაზაფხულის ბუნიობის ამ ძველ, ტრადიციულ, სახალხო დღესასწაულს"- მიხეილ ყაველაშვილი
ნოვრუზ ბაირამს ვულოცავ ყველა მოქალაქეს, რომელიც დღეს აღნიშნავს გაზაფხულის ბუნიობის ამ მართლაც ძველ, ტრადიციულ, სახალხო დღესასწაულს. მიხარია, რომ ვცხოვრობ ქვეყანაში, სადაც ტრადიციები და მრავალფეროვნება მნიშვნელოვანია, – განაცხადა საქართველოს პრეზიდენტმა მიხეილ ყაველაშვილმა მარნეულში ნოვრუზ ბაირამის დღესასწაულისადმი მიძღვნილ ღონისძიებაზე სიტყვით გამოსვლისას.
როგორც პრეზიდენტმა აღნიშნა, დღევანდელი დღე არის ახალი ენერგიის, ახალი წლის, ახალი სიცოცხლის დაწყების დღე.
„საუკუნეებია ჩვენ ერთად ვცხოვრობთ და ვზრუნავთ ჩვენს ქვეყანაზე. ამ პერიოდის განმავლობაში ერთმანეთისგან ბევრი რამ ვისწავლეთ და ერთმანეთს გავუზიარეთ განსხვავებული კულტურული ღირებულებები.
დღევანდელი დღე არის ახალი ენერგიის, ახალი წლის, ახალი სიცოცხლის დაწყების დღე. მინდა, რომ ყველა ჩვენგანი კიდევ უფრო მეტი სიყვარულით, სიხარულითა და პატივისცემით ვიყოთ ერთმანეთის მიმართ და უფრო მეტი შევძინოთ ჩვენს საყვარელ ქვეყანას, ჩვენს საქართველოს.
მე, როგორც საქართველოს პრეზიდენტს, მაქვს პატივი, თითოეულ თქვენგანს კიდევ ერთხელ მოგილოცოთ დღევანდელი დღესასწაული და დაგპირდეთ, რომ ყველა თქვენგანის გვერდით ვიდგები ჩვენი ქვეყნის გასაძლიერებლად“, – განაცხადა პრეზიდენტმა.
სიახლეები
- “არ მინდა, ბრძოლის გარეშე კალაძეს თბილისი გადავაბარო - მინდა, დავარწმუნო პარტნიორები, რომ გამარჯვების ფორმულა არის ბრძოლაში” -მამუკა ხაზარაძე
- თურქეთში ყურბან-ბაირამის პირველ დღეს 14 000-ზე მეტი ადამიანი დაშავდა
- “ჩვენ არ ვართ ბავშვები პუტინთან ერთად სკვერში, სათამაშო მოედანზე, ის მკვლელია, რომელიც ამ სკვერში ბავშვების მოსაკლავად მოვიდა” - ვვოლოდიმირ ზელენსკი ტრამპის განცხადებაზე
- განათლების სამინისტრო - გავრცელებული ინფორმაცია, რომ ინკლუზიური განათლების სამმართველო გაუქმდა, არ შეესაბამება სიმართლეს - გაერთიანდა სტრატეგიული დაგეგმვისა და ინკლუზიური განვითარების სამმართველო
- “ოპოზიციის “გარე უფროსები” ფსონს უკვე არა “ნაციონალურ მოძრაობაზე”, არამედ “ლელოსა” და გიორგი გახარიას გუნდზე – “საქართველოსთვის” დებენ” - ლევან მაჭავარიანი
