"2025 წელს, ქართული ჟურნალისტიკის დღეს, ქართული მედია მძიმე ვითარებაში შეხვდა. ჟურნალისტიკას ახლა რთული პერიოდი აქვს, ფაქტობრივად დგას ობიექტური მედიის ყოფნა არ ყოფნის საკითხი. მედია, რომელიც საზოგადოების პრობლემების გაჟღერებასა და მოგვარებაზეა ორიენტირებული დღეს ყოველ ფეხის ნაბიჯზე ბარიერების გადალახვა უწევს, იქნება ეს სიტყვის თავისუფლებით დაწყებული, ფიზიკური საფრთხეებით დასრულებული. დღეს ჩვენ, ქუთაისელმა ჟურნალისტებმა კიდევ ერთხელ გამოვუცხადეთ სოლიდარობა ჩვენს კოლეგას, მზია ამაღლობელს, რომლის პატიმრობაც თავისუფალი სიტყვის პატიმრობას ნიშნავს ჩვენს ქვეყანაში,"- განაცხადა FirstNews.ge-თან საუბარში "მეგატივის" ჟურნალისტმა თათია ახვლედიანმა.