საქართველოს დამოუკიდებლობის დღესთან დაკავშირებით რიო დე ჟანეიროს მთავარი ღირსშესანიშნაობა ქრისტეს ქანდაკება საქართველოს დროშის ფერებით განათდა
საქართველოს დამოუკიდებლობის დღესთან დაკავშირებით რიო დე ჟანეიროს მთავარი ღირსშესანიშნაობა – ქრისტეს ქანდაკება საქართველოს დროშის ფერებით განათდა. ამის შესახებ ინფორმაციას ბრაზილიის ფედერაციულ რესპუბლიკაში საქართველოს საელჩო ავრცელებს.
საქართველოს საგარეო საქმეთა სამინისტროსა და ბრაზილიის ფედერაციულ რესპუბლიკაში საქართველოს საელჩოს ორგანიზებით, საქართველოს დამოუკიდებლობის დღესთან დაკავშირებით და ორ ქვეყანას შორის მეგობრობის სიმბოლურ დასტურად მსოფლიოს ერთ-ერთი მთავარი კულტურული ღირსშესანიშნაობა – ქ. რიო-დე-ჟანეიროს კორკოვადოს მთაზე ქრისტეს ქანდაკება საქართველოს დროშის ფერებით განათდა.
საქართველოს საელჩო და ბრაზილიაში საქართველოს ელჩი ზურაბ მჭედლიშვილი, მადლობას უხდის პროექტის მხარდაჭერისათვის რიო-დე-ჟანეიროს შტატის გუბერნიას, „ქრისტე რედენტორ“-ის ტაძრის მრევლს, ტექნიკურ ჯგუფსა და კომპანია „Promotional Travel“-ის ხელმძღვანელობას“, – ნათქვამია ინფორმაციაში.
სიახლეები
- პასტა ბოსტნეულით
- გასულ ღამეს რუსეთმა კიევს დრონებითა და ბალისტიკური რაკეტებით შეუტია
- საბა ბუაძის თქმით, პარტიიდან გარიცხეს დეპუტატი, რომელიც საკრებულოს თავმჯდომარის არჩევაში „ოცნებას“ დაეხმარა
- "რუსეთი დროს აყოვნებს და მთელ მსოფლიოს დასცინის. ომის ყოველი დღე სიცოცხლის ფუჭად კარგვაა" - ზელენსკი
- ნიუ იორკში, გაერთიანებული ერების ორგანიზაციაში საქართველოს დამოუკიდებლობის დღე აღნიშნეს
