კლინიკაში გარდაიცვალა 64 წლის კაცი, რომელსაც სოფელ რუისპირში პოლიციელის ბრმა ტყვია მოხვდა

საზოგადოება ივნისი 27 2025 font size შრიფტის დაპატარავება increase font size

64 წლის ლევან შამრელაშვილი, რომელსაც 25 ივნისს თელავის მუნიციპალიტეტის სოფელ რუისპირში რესტორანში ყოფნისას პოლიციელის მიერ ნასროლი ბრმა ტყვია მოხვდა თავის არეში, შემთხვევიდან ორ დღეში კლინიკაში გარდაიცვალა.

ამ შემთხვევაზე განზრახ მკვლელობის მცდელობის მუხლით 26 ივნისს დააკავეს შინაგან საქმეთა სამინისტროს საპატრულო პოლიციის დეპარტამენტის თანამშრომელი ბიძინა გავერდაშვილი.

პროკურატურის მიერ გავრცელებული პრესრელიზის თანახმად: "ამ ეტაპზე გამოძიებისთვის ცნობილია, რომ პატრულ ინსპექტორმა დანაშაული არასამსახურებრივი მოვალეობის შესრულების დროს, პირად საკუთრებაში არსებული ცეცხლსასროლი იარაღით ჩაიდინა და იმყოფებოდა არაფხიზელ მდგომარეობაში".

წაკითხვა 69 ჯერ განახლდა განახლდა ივნისი 27 2025