“სამხედრო პოლიციამ დამაკავა, დავალება არ შეასრულე მოღალატე ხარ, უვარგისი მფრინავიო”- მფრინავი იმედა მაისურაძე კოდორის მოვლენებზე
პარლამენტის დროებითი საგამოძიებო კომისიის სხდომაზე მფრინავ, იმედა მაისურაძეს უსმენენ, რომელიც 2006 წლის ივლისის კოდორის სპეცოპერაციაში მონაწილეობდა.
იმედა მაისურაძე იხსენებს მისი დაკავების ამბავს, მას შემდეგ რაც არ შეასრულა საცხოვრებელი სახლების დაბომბვის ბრძანება.
„მეორე გაფრენის შემდეგ უკან რომ ვბრუნდებოდი, სანამ დავჯდებოდი უკვე ვხედავდი, რომ ციმციმებიანი მანქანები მელოდებოდნენ სენაკში.
სამხედრო პოლიციამ დამაკავა და ფოთში წამიყვანა. დავალება არ შეასრულე მოღალატე ხარ, უვარგისი მფრინავიო.
ფოთში სატუსაღო იყო ბევრი კოღოებით, მხოლოდ მე დამიჭირეს. დაკითხვებზე მეკითხებოდნენ დეტალებს, რაღაცებს მაბრალებდნენ ცოტ-ცოტას. სრულ სისულელეებს იძახდნენ. თითქოს მე ემზარ კვიციანისგან რაღაც თანხა მქონდა აღებული“,-განაცხადა იმედა მაისურაძემ.
მაისურაძის თქმით, ის 10 -დღიანი დაკავების შემდეგ გაათავისუფლეს და თბილისში საბრძოლო ვერტმფრენით დაბრუნების უფლება მისცეს. მას უკვირს თუ ასეთი საშიში იყო და თანაც მოღალატე როგორ მისცა ხელმძღვანელობამ მოღალატე ადამიანს ამის უფლება.
„შეკრიბეს მთელი ავიაციის პირადი შემადგენლობა მე ჩამომიყვანეს ფოთიდან სენაკში კიდევ ერთად გვლანძღეს ყველა და შემდეგ ისევ ფოთში წამიყვანეს. ამ წაყვანიდან ორ დღეში ჩამოვედი სენაკში. 10 დღეში გამათავისუფლეს, თავდაცვაში დავრჩი, საბრძოლო ვერტმფრენით გადმოვფრინდი თბილისში, თუ ასეთი საშიში ვიყავი საბრძოლო ვერტმფრენი ისევ როგორ მანდეს?! ჩემი მდგომარეობა იყო სასაცილო, პატარა ბავშვს, რომ აშინებენ“,-განაცხადა იმედა მაისურაძემ.
სიახლეები
- “2002 წელს ნებაყოფლობით მიიღო რუსეთის მოქალაქეობა, რის შესახებაც არ აცნობა უკრაინის შესაბამის ორგანოებს” – ზელენსკიმ მიტროპოლიტ ონუფრის უკრაინის მოქალაქეობა ჩამოართვა
- “უკვე მივხვდი, რომ ის, რასაც ჩვენი სამართალი და ევროპული კონვენცია ეფექტურ კონტროლს ეძახის, თქვენ, „გაგნებაში არ ხართ“ რას ნიშნავს – შს მინისტრმა ეფექტური კონტროლი რა არის, მინიმუმ უნდა იცოდეს” - თეა წულუკიანი გიორგი გახარიას
- “ძალიან კი გინდათ, რომ გავიქცე, მაგრამ ვერ მოესწრებით!” - გიორგი გახარია საგამოძიებო კომისიის წევრებს
- პარლამენტმა საკანონმდებლო ცვლილებები მიიღო, რომლითაც მარიხუანასა და მცენარე კანაფთან დაკავშირებით პასუხისმგებლობა მკაცრდება
- “პარტია „საქართველოსთვის“ წევრებმა ყველა სხდომა არასაპატიო მიზეზით გააცდინეს, შესაბამისად, შეიძლება ითქვას, რომ თავის თავს თავადვე უწყვეტენ მანდატს” – პაპუაშვილი
