აქტივისტს, რომელსაც მარიამ ლაშხმა უჩივლა, ქონება და ანგარიშები დაუყადაღეს
სამოქალაქო აქტივისტს, საპროტესტო აქციების მონაწილე მაგდა მამუკაშვილს, - რომელიც სასამართლომ 4000 ლარით დააჯარიმა „ქართული ოცნების“ წევრ მარიამ ლაშხის „შეურაცხყოფის“ საფუძვლით, - ჯარიმის გადაუხდელობის შემდეგ ქონება დაუყადაღეს.
მაგდა მამუკაშვილმა სამ მაისს გაავრცელა ინფორმაცია, რომ აღსრულების ეროვნული ბიუროს მიმართვების საფუძველზე, საჯარო რეესტრმა ყადაღა დაადო მის საცხოვრებელ სახლს, ხოლო „თიბისი ბანკმა“ - მის კუთვნილ საბანკო ანგარიშებს.
ის აქვეყნებს საჯარო რეესტრის გამოქვეყნებულ განცხადებასაც, რომლის თანახმადაც, აღსრულების ბიურო რეესტრს მიმართავს, რომ „მოახდინოს ყადაღის წარმოშობის რეგისტრაცია“.
ის ასევე აქვეყნებს "თიბისი ბანკისგან" მიღებულ მოკლე ტექსტურ შეტყობინებას, რომელშიც წერია, რომ მისი ანგარიშის დაყადაღება აღსრულების ბიურომ მოითხოვა და გადასახდელი აქვს 4280 ლარი.
მამუკაშვილს, რომელსაც ორი მცირეწლოვანი შვილი ჰყავს, ამავე ბანკში იპოთეკური სესხი აქვს აღებული.
„თან გიყადაღებენ ანგარიშს და თან 25 რიცხვში მოგთხოვენ, ფული გადაიხადეო. არ გადაიხდი და სახლს გაგიყიდიან ერთად და შეხმატკბილებულად აღსრულება და თიბისი. რაში ადარდებთ შენი მცირეწლოვანი შვილები“, - წერს აქტივისტი.
სიახლეები
- “ხოშტარია და კლდიაშვილი თანამშრომლობენ რუსულ მხარესთან, ბიზნესებთან და ეს არის შემაშფოთებელი ორმაგი სტანდარტი – ერთ მხარეს თავი გამოჰყავთ მთავარ ანტირუსებად, მეორე მხარეს ფულს შოულობენ რუსული მხარის ხარჯზე” - ირაკლი კობახიძე
- “ყველა ადამიანის მოწოდებაა, ფერი იცვალოს; ჩვენი ქრისტიანული ცხოვრების აზრიც ხომ სწორედ ეს არის, რომ, ღვთისმშობლის მეოხებით, ჩვენშიც გამობრწყინდეს მარადიული საღვთო ნათელი” – მეუფე შიო
- ქუთაისის აეროპორტში მებაჟე ოფიცრებმა დიდი ოდენობით არადეკლარირებული ოქროსა და ვერცხლის ნაკეთობების შემოტანის ფაქტები აღკვეთეს
- “არ შეიძლება, ევროკავშირი ასოცირდებოდეს ისეთ მოვლენებთან, როგორიც სიძულვილია, მათ ღიად მოითხოვეს ხელისუფლებაში „ნაცმოძრაობის” დაბრუნება, როდესაც მოუწოდეს ხალხს, გამოსულიყვნენ საარჩევნო უბნებზე და ხმა მიეცათ „ნაცმოძრაობის” დაბრუნებისთვის” - პრემიერი
- “იმედი გვაქვს, რომ ვიდრე ჩვენ 2030 წელს ვიქნებით მზად ევროკავშირში გაწევრიანებისთვის, მანამდე ევროკავშირში ტენდენციები შეიცვლება და დემოკრატიული სისტემა გაჯანსაღდება” - ირაკლი კობახიძე
