,,ყოვლადწმინდა ღვთისმშობლის პატიოსანი სამოსლის დადების დღესასწაულთან დაკავშირებით , ივერიის ყოვლადწმინდა ღვთისმშობლის სახელობის საკათედრო ტაძარში , საღმრთო ლიტურგია ზუგდიდისა და ცაიშის ეპარქიის მიტროპოლიტმა გერასიმემ, სინოდის სხვა წევრებთან ერთად აღავლინა.

სადღესასწაულო წირვას პარლამენტის თავმჯდომარე შალვა პაპუაშვილი, აღმასრულებელი და საკანონმდებლო, ასევე ადგილობრივი ხელისუფლების წარმომადგენლები დაესწრნენ.

ტრადიციულად, ვლაქერნობის დღესასწაულზე, ღვთისმშობლის კვართი და სხვა სიწმინდეები დადიანების ისტორიული სასახლიდან გამოაბრძანეს და მსვლელობით ივერიის ღვთისმშობლის ხატის სახელობის საკათედრო ტაძარში დააბრძანეს. მრევლს წელიწადში ერთხელ, სწორედ ვლაქერნობის დღესასწაულზე აქვს შესაძლებლობა მთელი დღის მანძილზე მოილოცოს აღნიშნული სიწმინდეები”,- წერია ინფორმაციაში.