საქართველოს ბანკი ინფორმაციული ტექნოლოგიების მიმართულებით სტუდენტურ პროგრამას START-ს იწყებს.
პროგრამის მიზანია, ამ სფეროთი დაინტერესებული სტუდენტების მოზიდვა, მათი თეორიული და პრაქტიკული ცოდნის ამაღლების ხელშეწყობა.
პროგრამაში მონაწილეობა ახალგაზრდებს დაეხმარება პროფესიულ განვითარებაში, ახალი პრაქტიკული უნარ-ჩვევების გამომუშავებასა და კარიერული გეგმების განსაზღვრაში. სტუდენტებს თეორიული ცოდნის მიღებასთან ერთად რეალურ სამუშაო პროცესში ჩართულობის შესაძლებლობა ექნებათ.
პროგრამის წარმატებული მონაწილეები საქართველოს ბანკში დასაქმდებიან. საქართველოს ბანკი კი, თავის მხრივ, შეძლებს შექმნას ახალგაზრდა ტალანტებისგან დაკომპლექტებული გუნდები.
"საქართველოს ბანკისთვის მნიშვნელოვანია განათლების მხარდაჭერა, განსაკუთრებით სტუდენტური პროგრამების ხელშეწყობა. ვფიქრობთ, ქვეყნის წამყვან კომპანიაში პრაქტიკის გავლა მონაწილეებს მისცემს შესაძლებლობას, აიმაღლონ კვალიფიკაცია, გაიარონ სპეციალურად მათ საჭიროებებზე მორგებული ტრენინგები და იპოვონ საკუთარი როლი შესაბამის გუნდებში. ასევე, გაეცნონ და იმუშაონ ეჯაილის პრინციპებით, დანერგონ ის პრაქტიკაში. სტუდენტური პროგრამის ხანგრძლივობა 7 თვეა. ინფორმაციული ტექნოლოგიების სტუდენტური პროგრამა ბანკში 2014 წლიდან მოყოლებული წარმატებით ხორციელდება. პროგრამის გამორჩეული მონაწილეები კი დღეს უკვე საქართველოს ბანკის გუნდის წევრები არიან", — განაცხადა საქართველოს ბანკის გენერალური დირექტორის მოადგილემ, ვახტანგ ბობოხიძემ.
on.ge
ოკუპირებულ აფხაზეთში რუსები ახალი პროექტის დაწყებას აპირებენ.abkhaz-auto.ru-ს ცნობით, რუსი ბიზნესმენები სოხუმის აეროპორტის აღდგენას გეგმავენ. ინტერნეტგამოცემის ცნობით, როგორც ე.წ. პრემიერ-მინისტრმა ვალერი ბგანბამ ТАСС-სთან საუბრში განაცხადა, "ეს აფხაზეთის ეკონომიკის გადასარჩენად აუცილებელი ნაბიჯია".
51 წლის ასაკში თბილისის საკრებულოს თავმჯდომარის მოადგილე დავით უჯმაჯურიძე გარდაიცვალა. არსებული ინფორმაციით, გარდაცვალების მიზეზი გულის შეტევა გახდა.
2015 წლის, 13 ისვნისს, ძლიერი, გადაუღებელი წვიმის შედეგად მდინარე ვერეს ხეობაში წყალდიდობა მოხდა.
ექიმი-კარდიოლოგი და ტელეწამყვანი ნინო ნადირაძე-კუზანოვა მუდმივად საზოგადოების ყურადღების ცენტრშია. წლების წინ ის საზოგადოებამ გაიცნო როგორც ცნობილი პლასტიკური ქირურგების - კუზანოვების ოჯახის რძალი, თუმცა დღეს ის ამბობს, რომ ეს ოჯახი მან უფრო გააპიარა, ვიდრე პირიქით.
საქართველოში ლუდომანიით თითქმის ყველა ასაკის ადამიანი დაავადდა და რაც ყველაზე საგანგაშოა, მათი რიცხვი დღითი დღე იზრდება.
