"რუსეთი შემოიჭრება საქართველოში როდესაც ჩათვლის საჭიროდ, თქვენ კი პირდაპირ კაპიტულაციას მოაწერთ ხელს!" - დავით ქაცარავა ხელისუფლებას
"რუსეთი თქვენს მაამებლურ, ჩვენთვის კი მავნებლურ განცხადებებს არაფრად ჩააგდებს და შემოიჭრება საქართველოში როდესაც ჩათვლის საჭიროდ, თქვენ კი პირდაპირ კაპიტულაციას მოაწერთ ხელს!" - წერს სოციალურ ქსელში, "ანტისაოკუპაციო მოძრაობა - ძალა ერთობაშიას" დამფუძნებელი დავით ქაცარავა.
დავით ქაცარავა სვავს კითხვას - "რომელ მშვიდობაზე გველაპარაკება ეს ქოცმთავრობა?"
"მშვიდობა და სტაბილურობაო!
რომელ მშვიდობაზე გველაპარაკება ეს ქოცმთავრობა? ყოველდღე რომ ჩვენს მოქალაქეებს იტაცებენ ოკუპანტები ოკუპაციის ხაზიდან?
ოთხოზორია გაგახსენოთ, ტატუნაშვილი, ბაშარული თუ კვარაცხელია?
იქნება და იმ მოქალაქეებს გაგასაუბროთ, ვისაც გატაცებისას რუსები უმოწყალოდ სცემენ?
რომელ სტაბილურობაზე გველაპარაკებით, როდესაც ყოველდღე ოკუპანტები მიწებს გვართმევენ?
სტატისტიკას თქვენ გამოითხოვთ თუ მე გამოგიგზავნოთ?
გინდათ ვისაუბროთ იმაზე, თუ როგორ პირობებში ცხოვრობენ ჩვენი მოქალაქეები ოკუპაციის ხაზთან? გაინტერესებთ კი მათი ბედი საერთოდ?
მოდით, ვკითხოთ მათ, როგორი მშვიდობა და სტაბილურობა აქვთ ჩვენს მოქალაქეებს ოკუპაციის ხაზთან და მერე გავაგრძელოთ თქვენი პოპულისტური განცხადებების განხილვა!
პროკრემლისტური მთავრობა ხართ და ზუსტად კრემლის დავალებებს ასრულებთ!
რუსეთი თქვენს მაამებლურ, ჩვენთვის კი მავნებლურ განცხადებებს არაფრად ჩააგდებს და შემოიჭრება საქართველოში როდესაც ჩათვლის საჭიროდ, თქვენ კი პირდაპირ კაპიტულაციას მოაწერთ ხელს!
ხო, სულ დამავიწყდა მეკითხა, თუ იცით თქვენ, 2008 წლამდე ჩვენი მიწა-წყლის რამდენი პროცენტი იყო ოკუპირებული?" - წერს ქაცარავა.
სიახლეები
- “მოგიწოდებენ სანქცია დაუწესო რუსეთს, მოგიწოდებენ რომ მოხალისეები გააგზავნო, თვითონ კი ჩირგვებში არიან, ბიზნესს აკეთებენ “ - ირაკლი ზარქუა
- “რევოლუცია აქ არ მოხდება, გამორიცხულია” - ირაკლი ზარქუა
- “როცა შენს თავს არ ეკუთვნი, მაშინ გადაწყვეტილების მიღების პროცესიც შესაბამისად გიჭიანურდება, ეს ხალხი არ ეკუთვნის თავის თავს – ისინი ვერ უზრუნველყოფენ ვერც სინათლეს და ვერც პროგრესს” - მამუკა მდინარაძე რადიკალურ ოპოზიციაზე
- მამუკა მდინარაძე გავრცელებულ ინფორმაციაზე, რომ ლიეტუვაში, დიდი ბრიტანეთი ქართველ აქტივისტებს ოქტომბრის არჩევნებისთვის ამზადებს, აცხადებს, რომ მიზანი საქართველოში არეულობის მოწყობა და ხელისუფლების ცვლილებაა
- “ჩვენ საკუთარი ქვეყნის მაგალითზე დავრწმუნდით და ვიგრძენით, თუ რამდენად მნიშვნელოვანია, ქვეყანაში შენარჩუნდეს გრძელვადიანი მშვიდობა” - კახა კალაძე
