ამ შემთხვევაში მნიშვნელოვანია გავიაზროთ რა არის ჩვენი მიზანი და კვების როგორ გეგმას მივყვებით. შემოგთავაზებთ ძირითად განსხვავებებს, ცხელ დღეებში მოთხოვნად დესერტებს შორის.

სორბეტი - მისი ძირითადი შემადგენელი პროდუქტებია ხილის წვენი ან პიურე ხანდახან ხილის ლიქიორი და შაქარი. თუ არ ვიღებთ რძის პროდუქტს, მაშინ სორბეტი იდეალური ვარიანტია. მაგრამ უნდა მოვერიდოთ, თუ სისხლში საქრის შემცველობის დონეს ვაკონტროლებთ, რადგან ერთი პორცია საშუალოდ 40 გრამ შაქარს შეიცავს. სორბეტი არ შეიცავს ცხიმსდა შედარებით დაბალკალორიულია.

ნაყინი - კვერცხი, რძე და ნაღები, რომელსაც კლასიკურად დამზადებული ეს გემრიელი დესერტი შეიცავს კალციუმს, A და D ვიტამინებს. მაგრამ მასში არის დიდი რაოდენობით შაქარი და ცხიმი, ამიტომ უნდა მოვერიდოთ დაბალკალორიული დიეტის დროს.

ჯელატო - იტალიური ტექნოლოგიით დამზადებული ნაყინია. მასში იგივე ინგრედიენტებია რაც ნაყინში, მაგრამ მის შემადგენლობაში რძე ჭარბობს, ვიდრე ნაღები და კვერცხი ხშირ შემთხვევაში საერთოდ არ აქვს. რის გამოც იგი 25 %-ით ნაკლებ კალორიას შეიცავს.

გაყინული იოგურტი - გაყინული იოგურტი ნაკლებ კალორიას შეიცავს და ცხიმის შემცველობაც ნაკლები აქვს ნაყინთან შედარებით, თავისუფლად მიირთვით დაბალკალორიული დიეტის დროს, როცა სასუსნავი მოგინდებათ. მაგრამ უნდა გვახსოვდეს, რომ რძე გაყინვის შედეგად კარგავს მის კვებით ღირებულებას როგორც ჯანსაღი საკვები, ამიტომ გაყინული იოგურტი სახელწოდება არ ნიშნავს, რომ ის ჯანსაღი კვების ნაწილია.