ტომატში ჩათუშული ქათმის ფილე სულგუნით
ინგრედიენტები
- ქათმის ფილე - 4 ცალი
- სულგუნი - 4 ნაჭერი (შეგიძლიათ ჩაანაცვლოთ მოცარელათი)
- ზეითუნის ზეთი - შესაწვავად
- მარილი და პილპილი
- იტალიური სუნელები (ორეგანო, ბაზილიკი)
- ნიორი - 2-3 კბილი
- ძმარი ბალზამიკო - 50 მლ
- ტომატის პიურე - 200 გ
- ხმელი ბაზილიკი ან შაშკვლავი - გემოვნებით
- წითელი წიწაკა, დაღერღილი
მომზადების წესები
გააცხელეთ ზეითუნის ზეთი ტაფაზე, დაალაგეთ ქათმის ფილეები, მოაყარეთ მარილი და პილპილი, იტალიური ხმელი ბალახები და შეწვით ორივე მხრიდან 5-5 წუთის განმავლობაში, მოაყარეთ კიდევ სანელებლები. გადმოიღეთ ტაფიდან ფილე და იგივე ცხიმში მოხრაკეთ წმინდად დაჭრილი ნიორი, დაუმატეთ ბალზამიკო, ტომატის პიურე, დაჭრილი ბაზილიკი ან შაშკვლავი, დაღერღილი წითელი წიწაკა და თუშეთ დაბალ ცეცხლზე 10 წუთის განმავლობაში.
ჩაალაგეთ ტომატის მოთუშულ პიურეში ქათმის ფილეები, დაალაგეთ ზემოდან სულგუნის (ან მოცარელას ნაჭრები) და თუშეთ თავდახურულ ტაფაში 5-7 წუთის განმავლობაში. ბოლოს მოაყარეთ დაჭრილი ბაზილიკი და პილპილი.
გემრიელად მიირთვით!
სიახლეები
- ,,ვახტანგ გომელაური ქიმიკოსი არ არის, რომ 2007 წელს შეძენილი ფხვნილი გადაემოწმებინა"- ირაკლი კობახიძე
- ზელენსკის თვითმფრინავს ირლანდიაში ვიზიტისას დრონები აედევნენ
- ისრაელს მომავალ წელს „ევროვიზიაში“ მონაწილეობის უფლება მიეცემა
- სომხეთში ნარკოდანაშაულის ბრალდებით დააკავეს არქიეპისკოპოსი, რომელიც, სავარაუდოდ, სექს-სკანდალში ფიგურირებდა
- მიგრაციის დეპარტამენტის თანამშრომლებმა უცხო ქვეყნის 28 მოქალაქე დააკავეს
