"სახლში ვბრუნდები, დამხვდით" - ნავალნიმ პუტინს მიმართა
კრემლისა და რუსეთის პრეზიდენტ ვლადიმერ პუტინის აქტიური კრიტიკოსი ალექსეი ნავალნი 17 იანვარს რუსეთში ბრუნდება.
ამის შესახებ რუსული ოპოზიციის ლიდერმა, რომელიც ნეიროლეპტიკური ქიმიური ნივთიარება "ნოვიჩოკით" მოწამლვის შემდეგ გერმანიაში მკურნალობს, ვიდეომიმართვაში განაცხადა.
"საკითხი, დავბრუნებულიყავი თუ არა, ჩემს წინაშე არასოდეს მდგარა, რადგან მე არც არსად წავსულვარ. მე გერმანიაში მოვხვდი, აქ ჩამომიყვანეს რეანიმაციის აპარატურით მხოლოდ ერთი მიზეზით: ჩემი მოკვლა უნდოდათ. მე გადავრჩი. პუტინი, რომელმაც ჩემი მოკვლის ბრძანება გასცა, თავის ბუნკერში ახლა კედლებს აწყდება და თავის მსახურებს უბრძანებს, რომ მე არ დავბრუნდე. მსახურები ჩვეულებისამებრ მოქმედებენ. ჩემს წინააღმდეგ სისხლის სამართლის ახალ ფალსიფიცირებულ საქმეს ამზადებენ. მაგრამ მე ეს არ მაინტერესებს, რუსეთი ჩემი ქვეყანაა, მე ის მენატრება. ამიტომ მე დღეს შევედი კომპანია "პობედას" საიტზე და ბილეთი ვიყიდე. 17 იანვარს, კვირას მე სახლში დავბრუნდები "პობედას" რეისით. დამხვდით "-, აცხადებს ნავალნი საკუთარ ვიდეომიმართვაში.
სიახლეები
- ზოგადი განათლების საფეხურებში ცვლილება ხორციელდება, რომლის მიღების შედეგადაც, სავალდებულო საბაზო განათლება 9 კლასის ნაცვლად, 10 კლასით განისაზღვრება
- ქათამი თაფლითა და ფორთოხლით
- მთავრობის დადგენილებით, ოჯახის სიწმინდისა და მშობლების პატივისცემის დღესთან დაკავშირებით, 17 მაისი უქმე დღედ გამოცხადდა
- შარლ მიშელი სალომე ზურაბიშვილთან და ირაკლი კობახიძესთან სატელეფონო საუბრის შესახებ ინფორმაციას ავრცელებს
- " ჩვენ არ ვართ კოლონია, დამოუკიდებელი სუვერენული სახელმწიფო ვართ - ევროპაში თავაწეული დავდივარ, რატომ უნდა წამომარტყას ვიღაცამ?" - კახა კალაძე