როგორც ცნობილია, მოსკოვი ნატოს ბრალს სდებს იმაში, რომ თითქოსდა ალიანსი რუსეთს ემუქრება, თუმცა პირიქით ხდება - კრემლი თვითონ ემზადება უკრაინასთან ომისთვის, - წერენ ექსპერტები. ამიტომ, ჯო ბაიდენის ადმინისტრაციამ შემდეგნაირად უნდა იმოქმედოს:

- უნდა შეუთანხმოს თავის ევროპელ მოკავშირეებს სერიოზული სანქციები იმ შემთხვევისათვის, თუ რუსეთი უკრაინის წინააღმდეგ აგრესიას დაიწყებს, თანაც არ აქვს მნიშვნელობა - როგორ, რა ფორმით და რა მასშტაბით. გააცნოს რუსეთს ამ სანქციების ჩამონათვალი და მისცეს კრემლს დრო გასაცნობიერებლად;

- უნდა გაზარდოს უკრაინისთვის სამხედრო დახმარების მიწოდება, დამატებით უზრუნველყოს უკრაინის არმია ტანკსაწინააღმდეგო კომპლექსებით („ჯაველინებით“), გადასატანი საზენიტო-სარაკეტო კომპლექსებით („სტინგერებით“) და ანტირაკეტული რადარების სისტემით (Q36); შეერთებულმა შტატებმა უნდა დაარწმუნოს თავისი ევროპელი მოკავშირეები იმაში, რომ უკრაინის არმიას იარაღით ისინიც უნდა დაეხმარონ ;

- უნდა დაიწყოს ძალების თავმოყრა ნატოს აღმოსავლეთის ფლანგზე და განუმარტოს რუსეთს, რომ ეს პროცესი დაჩქარდება ან შეჩერდება კრემლის ქცევის შესაბამისად;

- უნდა გადავიდეს შეტევაზე „განცხადებების ომში“ და შეეცადოს რუსეთის მოქმედების დაგმობას „დიდი შვიდეულის“, ეუთოსა და, სავარაუდოდ, გაეროს მხრიდან; ამასთანავე, უნდა გამოხატოს მზადყოფნაც მოლაპარაკებების დასაწყებად, მაგრამ ისეთი დღის წესრიგით, სადაც ნატოსა და სხვა ქვეყნების პრეტენზიები იქნება რუსეთის მიმართ.

წერილზე ხელმომწერთა შორის არიან ცნობილი ექსპერტები, ამერიკული დიპლომატიის ვეტერანები, სახელმწიფო კანცელარიის ყოფილი მაღალჩინოსნების, რუსეთში აშშ-ის ყოფილი ელჩების ჩათვლით, აგრეთვე გადამდგარი მაღალი სამხედრო წოდების მქონე პირები, მათ შორის - სტივენ ბლანკი, ფილიპ ბრიდლავი, დენიერ ფრიდი, ფრენსის ფუკუიამა, ჯონ ჰერბსტი, ბენ ჰოჯესი, მაიკლ მაკფოლი, სტივენ პაიფერი, სთროუბ თელბოტი, უილიამ ტეილორი, ალექსანდრე ვერშბოუ, კურტ ვოლკერი და სხვები.

წყარო