''მთელმა ცივილიზებულმა სამყარომ რუსეთი ოფიციალურად უნდა აღიაროს ტერორისტ სახელმწიფოდ '' - ვოლოდიმირ ზელენსკი
მთელმა ცივილიზებულმა სამყარომ რუსეთი ოფიციალურად უნდა აღიაროს ტერორისტ სახელმწიფოდ, – ამის შესახებ უკრაინის პრეზიდენტმა ვოლოდიმირ ზელენსკიმ მორიგი ვიდეომიმართვისას განაცხადა.
პრეზიდენტის თქმით, თანამედროვე ტექნოლოგიები იძლევა იმის შესაძლებლობას, რომ იპოვონ თითოეული რუსი სამხედრო, რომელმაც კიევის ოლქში სამხედრო დანაშაული ჩაიდინა და მათ პასუხისგებაში მისცემენ.
„ვმუშაობთ იმაზე, რომ რუსეთის ყველა სახელმწიფო მოღვაწემ, ვინც მხარს უჭერს ამ სამარცხვინო ომს, მიიღოს ლოგიკური სასანქციო პასუხი დემოკრატიული სამყაროსგან. რუსეთი ტერორიზმის სპონსორ სახელმწიფოდ უნდა იქნას აღიარებული, რუსეთის შეიარაღებული ძალები კი, ტერორისტულ ორგანიზაციად.
ამასთან, უკრაინის პრეზიდენტის თქმით, საერთაშორისო პარტნიორებს სულ უფრო უკეთ ესმით, რა და როდის სჭირდება უკრაინას რუსი ოკუპანტებისგან თავის დასაცავად.
„ევროკავშირში სანქციების მეექვსე პაკეტზე მუშაობა მიმდინარეობს. ეს დღეს შარლ მიშელთან განვიხილეთ. მუშაობა იმაზე, რომ რუსეთის სამხედრო მანქანისა და მთლიანად რუსეთის სახელმწიფოსთვის ის ნამდვილად მტკივნეული იყოს. თითოეულ მოლაპარაკებაზე მოვუწოდებ, რომ სანქციები საჭიროა არა როგორც მიზანი, არამედ როგორც პრაქტიკული ინსტრუმენტი, რომელიც რუსეთს მშვიდობისკენ უბიძგებს“, – განაცხადა ზელენსკიმ.
სიახლეები
- ზოგადი განათლების საფეხურებში ცვლილება ხორციელდება, რომლის მიღების შედეგადაც, სავალდებულო საბაზო განათლება 9 კლასის ნაცვლად, 10 კლასით განისაზღვრება
- ქათამი თაფლითა და ფორთოხლით
- მთავრობის დადგენილებით, ოჯახის სიწმინდისა და მშობლების პატივისცემის დღესთან დაკავშირებით, 17 მაისი უქმე დღედ გამოცხადდა
- შარლ მიშელი სალომე ზურაბიშვილთან და ირაკლი კობახიძესთან სატელეფონო საუბრის შესახებ ინფორმაციას ავრცელებს
- " ჩვენ არ ვართ კოლონია, დამოუკიდებელი სუვერენული სახელმწიფო ვართ - ევროპაში თავაწეული დავდივარ, რატომ უნდა წამომარტყას ვიღაცამ?" - კახა კალაძე