პირველ კვარტალში საქართველოში რუსეთის 38 281 მოქალაქე შევიდა - რუსეთის უსაფრთხოების სამსახური
2022 წლის პირველ სამ თვეში რუსეთი თითქმის 4 მილიონმა მოქალაქემ დატოვა, - ამ ინფორმაციას The Guardians -ი რუსეთის ფედერალური უსაფრთხოების სამსახურზე დაყრდნობით ავრცელებს.
გამოცემის ინფორმაციით, რუსეთის მოქალაქეებმა ქვეყანა ძირითადად ომის გამო დატოვეს და მათი უმეტესობა ყოფილ საბჭოთა რესპუბლიკებში ჩავიდა.
რუსეთის ფედერალური უსაფრთხოების სამსახურის სტატისტიკის მიხედვით, 2022 წლის პირველ კვარტალში საქართველოში რუსეთის 38 281 მოქალაქე შემოვიდა, რაც თითქმის 5-ჯერ მეტია გასული წლის მონაცემებზე.
სომხეთში 2022 წლის დასაწყისში 44 586 რუსი ჩავიდა, რაც გასული წლის მაჩვენებელს 3-ჯერ აღემატება.
ესტონეთში 125 426 რუსი ჩავიდა, ლატვიაში - 25 568, ლიეტუვაში კი- 48 197.
ტაჯიკეთში 2022 წლის დასაწყისში 40 054 რუსი ჩავიდა, რაც ასევე 5-ჯერ მეტია წინა წლის მონაცემებზე. უზბეკეთში 2022 წლის პირველ 3 თვეში 53 084 რუსი ჩავიდა. 2022 წლის იანვარ-მარტში ყაზახეთში ჩასული რუსების რაოდენობა გაორმაგდა და 204 947-მდე გაიზარდა.
უმნიშვნელოდ გაიზარდა უკრაინაში ჩამსვლელი რუსების რიცხვი - 316 286-დან 328 435-მდე.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი