კანადის პრემიერ-მინისტრმა უკრაინისთვის დამატებითი დახმარების შესახებ გამოაცხადა
კანადის პრემიერ-მინისტრმა, ჯასტინ ტრიუდომ კიევში უკრაინის პრეზიდენტ ვოლოდიმირ ზელენსკისთან ერთად გამართულ პრესკონფერენციაზე უკრაინისთვის დამატებითი დახმარების შესახებ გამოაცხადა.
ჯასტინ ტრიუდოს განმარტებით, აღნიშნული მოიცავს როგორც სამხედრო დახმარებას, ასევე განაღმვითი ოპერაციების დაფინანსებას და თანხების გამოყოფას სასურსათო უსაფრთხოების მიმართულებით.
„დღეს დილით ელჩმა ლარისა გალაძამ და მე აღვმართეთ კანადის დროშა ჩვენს საელჩოზე აქ, დედაქალაქში. ის და მისი გუნდი განაახლებს მუშაობას აქ, კიევში. მძიმე არტილერიის შესახებ ჩვენი ბოლო განცხადების საფუძველზე, დღეს ვაცხადებ უფრო მეტ სამხედრო დახმარებას, უპილოტო თვითმფრინავების კამერებს, სატელიტურ სურათებს, მცირე შეიარაღებას, საბრძოლო მასალასა და სხვა მხარდაჭერას, მათ შორის განაღმვის ოპერაციების დაფინანსებას. ჩვენ უზრუნველვყოფთ 25 მილიონ აშშ დოლარს გაერო-ს მსოფლიო სასურსათო პროგრამაში უკრაინაში სურსათის უსაფრთხოებისთვის. ერთი წლით მოიხსნება სავაჭრო ტარიფები კანადაში შემოსულ უკრაინულ იმპორტზე. ჩვენ შემოგთავაზებთ ახალ სანქციებს 40 რუს ფიზიკურ პირზე და ხუთ სუბიექტზე, ოლიგარქებსა და რეჟიმის ახლო თანამოაზრეებზე თავდაცვის სექტორში, ყველა მათგანი პუტინის ომის თანამონაწილეა“, – განაცხადა ჯასტინ ტრიუდომ.
სიახლეები
- ზოგადი განათლების საფეხურებში ცვლილება ხორციელდება, რომლის მიღების შედეგადაც, სავალდებულო საბაზო განათლება 9 კლასის ნაცვლად, 10 კლასით განისაზღვრება
- ქათამი თაფლითა და ფორთოხლით
- მთავრობის დადგენილებით, ოჯახის სიწმინდისა და მშობლების პატივისცემის დღესთან დაკავშირებით, 17 მაისი უქმე დღედ გამოცხადდა
- შარლ მიშელი სალომე ზურაბიშვილთან და ირაკლი კობახიძესთან სატელეფონო საუბრის შესახებ ინფორმაციას ავრცელებს
- " ჩვენ არ ვართ კოლონია, დამოუკიდებელი სუვერენული სახელმწიფო ვართ - ევროპაში თავაწეული დავდივარ, რატომ უნდა წამომარტყას ვიღაცამ?" - კახა კალაძე