"შთაბეჭდილება რჩება, რომ გერმანიის კანცლერს უკრაინისთვის მძიმე შეიარაღების მიწოდება არ სურს" - ანდრეი მელნიკი
რჩება შთაბეჭდილება, რომ გერმანიის კანცლერს ოლაფ შოლცს ბუნდესტაგის გადაწყვეტილების მიუხედავად, არ სურს მძიმე შეიარაღების უკრაინისთვის მიწოდება.
ამის შესახებ გერმანიაში უკრაინის ელჩმა ანდრეი მელნიკმა RND-სთის მიცემულ ინტერვიუში განაცხადა.
ელჩის თქმით, Gepard-ის ტიპის 30 საზენიტო ტანკის გადაცემის შესახებ გადაწყვეტილება გერმანიაში ამერიკულ ავიაბაზა „რამშტაინზე“ გამართული სამიტისას აპრილის ბოლოს იქნა მიღებული, თუმცა უკრაინისთის ისინი ჯერ კიდევ არ მიუწოდებიათ.
„ასეთი შთაბეჭდილება იქმნება, რომ კანცლერს ამის გაკეთება არ სურს. არის მხოლოდ 7 თვითმავალი ჰაუბიცა, მაგრამ არ არის არც Gepard-ის ტანკები, არც Leopard 1, არც Marder-ის ქვეითთა საბრძოლო მანქანა. ყველა მათგანი ბუნდესტაგის მიერ უკვე ამოღებულია ექსპლუატაციიდან და შეიძლება გადაეცეს უკრაინას ისე, რომ გერმანიის თავდაცვისუნარიანობას ზიანი არ მიადგეს“,- განაცხადა მელნიკმა.
მან ასევე აღნიშნა, რომ სლოვენიიდან T-72 ტანკების გადატანა ასევე დაბლოკილია, რადგან გერმანიამ მათ ადეკვატური ჩანაცვლება არ შესთავაზა.
მისი თქმით, ეს ჰგავს დროის გაწელვას შოლცის მხრიდან.
„იქმნება ცეცხლის შეწყვეტის მოლოდინის შთაბეჭდილება. მაშინ გაქრება ზეწოლა გერმანიიდან და აღარ იქნება გაბედული გადაწყვეტილებების საჭიროება. ეს არის მზაკვრული ლოგიკა, რომელიც ადამიანებს გასაჭირში ტოვებს", - განაცხადა მელნიკმა.
სიახლეები
- ზოგადი განათლების საფეხურებში ცვლილება ხორციელდება, რომლის მიღების შედეგადაც, სავალდებულო საბაზო განათლება 9 კლასის ნაცვლად, 10 კლასით განისაზღვრება
- ქათამი თაფლითა და ფორთოხლით
- მთავრობის დადგენილებით, ოჯახის სიწმინდისა და მშობლების პატივისცემის დღესთან დაკავშირებით, 17 მაისი უქმე დღედ გამოცხადდა
- შარლ მიშელი სალომე ზურაბიშვილთან და ირაკლი კობახიძესთან სატელეფონო საუბრის შესახებ ინფორმაციას ავრცელებს
- " ჩვენ არ ვართ კოლონია, დამოუკიდებელი სუვერენული სახელმწიფო ვართ - ევროპაში თავაწეული დავდივარ, რატომ უნდა წამომარტყას ვიღაცამ?" - კახა კალაძე