მიხაილო პოდოლიაკის ინფორმაციით, მოლაპარაკებები შეჩერებულია, რადგან რუსეთი კვლავ საკითხის სამხედრო გადაწყვეტაზე დებს ფსონს
უკრაინისა და რუსეთის დელეგაციების მოლაპარაკებები შეჩერებულია, რადგან რუსეთი აღმოსავლეთ უკრაინის საკითხის სამხედრო გადაწყვეტაზე დებს ფსონს,- ამის შესახებ უკრაინის პრეზიდენტის აპარატის უფროსის მრჩეველმა მიხაილო პოდოლიაკმა განაცხადა.
„დღეს მოლაპარაკებები შეჩერებულია, რადგან რუსეთი კვლავ საკითხის სამხედრო გადაწყვეტაზე დებს ფსონს. მათ დიდი რაოდენობით რესურსი, რეზერვი, ცოცხალი ძალა აქვთ კონცენტრირებული. მათ სურთ მიიღონ გარკვეული სიტუაციური გამარჯვებები, ანუ აიღონ ჩვენი ტერიტორიის რამდენიმე კილომეტრი და ამის შემდეგ მოითხოვონ მოლაპარაკება ძალის პოზიციიდან“, - აღნიშნა მან.
პოდოლიაკის თქმით, უკრაინულ მხარეს ესმის რუსების ტაქტიკა და ვიდრე ისინი სრულად არ მიიღებენ იარაღს და შეძლებისდაგვარად არ მიიყვანენ რუსულ ჯარებს უკრაინის საზღვრამდე, აზრი არ აქვს რუსეთის წარმომადგენლებთან მოლაპარაკებას.
სიახლეები
- პაკისტანში წყალდიდობების შედეგად 300-ზე მეტი ადამიანი დაიღუპა
- ზელენსკი ტრამპს ორშაბათს ვაშინგტონში შეხვდება
- “მოლაპარაკებები პატივისცემით სავსე და კონსტრუქციულ ატმოსფეროში გაიმართა” - პუტინი
- ვლადიმერ პუტინის განცხადებით, უკრაინასთან კონფლიქტი არ მოხდებოდა იმ დროს აშშ-ის პრეზიდენტი დონალდ ტრამპი რომ ყოფილიყო
- ბათუმი-ქობულეთის შემოვლით გზაზე ავტოსაგზაო შემთხვევას ერთი ადამიანი ემსხვერპლა - დაშავდა კიდევ 6 ადამიანი
