გაერთიანებული სამეფო უკრაინას შორ მანძილზე მოქმედი სარაკეტო სისტემების პირველ პარტიას უგზავნის
რუსეთის მხრიდან გაჟღერებული მუქარის მიუხედავად, გაერთიანებული სამეფო უკრაინას შორ მანძილზე მოქმედი M270 სარაკეტო სისტემების პირველ პარტიას გაუგზავნის, - ინფორმაციას BBC-ი ავრცელებს.
ბრიტანეთის მთავრობას არ დაუკონკრეტებია, რამდენი სარაკეტო სისტემა გაიგზავნება, მაგრამ BBC-ის ინფორმაციით, თავდაპირველად უკრაინაში სამი M270 ტიპის მრავალჯერადი გაშვების სარაკეტო სისტემა გაიგზავნება.
გაერთიანებული სამეფოს თავდაცვის მინისტრის, ბენ უოლესის განცხადებით, მრავალჯერადი სარაკეტო სისტემები უკრაინას რუსეთისგან თავდაცვაში დაეხმარება.
„როგორც რუსეთის ტაქტიკა იცვლება, ასევე უნდა შეიცვალოს ჩვენი მხარდაჭერა უკრაინის მიმართ. ეს მრავალჯერადი გაშვების სარაკეტო სისტემები საშუალებას მისცემს ჩვენს უკრაინელ მეგობრებს უკეთესად დაიცვან თავი შორ მანძილზე მოქმედი არტილერიის გამოყენებისგან, რომელსაც პუტინის ძალები ქალაქების გასანადგურებლად იყენებენ,“- აღნიშნა ბენ უოლესმა.
უკრაინელი ჯარისკაცები სარაკეტო სისტემების გამოყენების შესწავლის მიზნით წვრთნებს გაერთიანებულ სამეფოში გაივლიან.
გაერთიანებული სამეფოს მრავალჯერადი გაშვების სარაკეტო სისტემას წუთში 12 ხმელეთი-ხმელეთი ტიპის რაკეტის გასროლა შეუძლია. სისტემას მოწინააღმდეგის სამიზნეებზე 50 მილის (80 კმ) მანძილზე ზუსტი დარტყმის მიყენების შესაძლებლობა აქვს.
სიახლეები
- "თუ არ ხევ მანდატს და არ გადიხარ, ე.ი. პარლამენტის ლეგიტიმურობას აღიარებ?" - ვახტანგ ძაბირაძე
- "ხალხო, შევწყვიტოთ „ბალერინკობის“ თამაში, „ტროტუარზე არ ავიდეთ“, „სკამზე არ ავიდეთ“, მუდმივად ვიმეორებთ „კანონის ფარგლებში“, რომელი კანონის ფარგლებში, რომელიც აღარ არსებობს?! - საჭიროა სიმტკიცე, მიწოლა! " - მიხეილ სააკაშვილი
- მსხვერპლი მოჰყვა უკრაინის ქალაქ სუმიზე რუსული დრონებით შეტევას
- "მათ არაფერი აკავშირებთ ამ ქვეყანასთან და არაფერი რომ არ აკავშირებთ, იმიტომაც იღებენ პასუხს ქუჩაში მათივე მხარდამჭერებისგან"- შალვა პაპუაშვილი ოპოზიციაზე
- "დღევანდელი ოპოზიცია, ის ოთხეული, რომელმაც ბარიერი გადალახა არა ამომრჩევლის, რამედ უცხოელი პატრონების ნებას წარმოადგენს" - შალვა პაპუაშვილი
