უკრაინა სირიასთან ურთიერთობებს წყვეტს
უკრაინის პრეზიდენტმა ვოლოდიმირ ზელენსკიმ განაცხადა, რომ მას შემდეგ, რაც რუსეთმა მიაღწია სირიისგან „დონბასში საოკუპაციო სტრუქტურების თითქოს, სახელმწიფოებად აღიარებას“, უკრაინას სირიასთან არანაირი ურთიერთობა აღარ ექნება. გვიან ღამით გამოქვეყნებულ ვიდეომიმართვაში ზელენსკიმ თქვა, რომ სირიაზე სანქციებით ზეწოლა კიდევ უფრო გაიზრდება.
29 ივნისს ცნობილი გახდა, რომ საქართველოს ოკუპირებული რეგიონების მსგავსად, ბაშარ ასადის რეჟიმმა აღიარა უკრაინის ორი რეგიონის ე.წ. დამოუკიდებლობაც. სირიის სახელმწიფო სააგენტო „სანა“-მ საგარეო საქმეთა სამინისტროს ოფიციალურ წარმომადგენელზე დაყრდნობით გაავრცელა ინფორმაცია, რომ სირიამ ცნო „დონეცკის სახალხო რესპუბლიკის და ლუგანსკის სახალხო რესპუბლიკის დამოუკიდებლობა და სუვერენიტეტი“.
უკრაინის ამ ორი რეგიონის ე.წ. დამოუკიდებლობა უკრაინაში შეჭრამდე 3 დღით ადრე, 2022 წლის 21 თებერვალს აღიარა რუსეთის პრეზიდენტმა პუტინმა.
დონეცკის და ლუგანსკის ე.წ. სახალხო რესპუბლიკების "დამოუკიდებლობა" აღიარებული აქვთ საქართველოს ოკუპირებული რეგიონების - აფხაზეთის და ცხინვალის რეგიონის დე ფაქტო ხელისუფლებებსაც. საქართველოს ამ ორი ტერიტორიის ე.წ. დამოუკიდებლობა სირიამ 2018 წლის მაისში ცნო. საქართველოს სირიასთან დიპლომატიური ურთიერთობები გაწყვეტილი აქვს.
სიახლეები
- "თუ არ ხევ მანდატს და არ გადიხარ, ე.ი. პარლამენტის ლეგიტიმურობას აღიარებ?" - ვახტანგ ძაბირაძე
- "ხალხო, შევწყვიტოთ „ბალერინკობის“ თამაში, „ტროტუარზე არ ავიდეთ“, „სკამზე არ ავიდეთ“, მუდმივად ვიმეორებთ „კანონის ფარგლებში“, რომელი კანონის ფარგლებში, რომელიც აღარ არსებობს?! - საჭიროა სიმტკიცე, მიწოლა! " - მიხეილ სააკაშვილი
- მსხვერპლი მოჰყვა უკრაინის ქალაქ სუმიზე რუსული დრონებით შეტევას
- "მათ არაფერი აკავშირებთ ამ ქვეყანასთან და არაფერი რომ არ აკავშირებთ, იმიტომაც იღებენ პასუხს ქუჩაში მათივე მხარდამჭერებისგან"- შალვა პაპუაშვილი ოპოზიციაზე
- "დღევანდელი ოპოზიცია, ის ოთხეული, რომელმაც ბარიერი გადალახა არა ამომრჩევლის, რამედ უცხოელი პატრონების ნებას წარმოადგენს" - შალვა პაპუაშვილი
