რუსეთმა მუქარას უმატა, უკრაინამ - კონტრშეტევას
უკრაინისათვის რამდენიმე ერთეული ამერიკული სარაკეტო სისტემა HIMARS-ების გადაცემამ, რამდენიმე დღეში იმდენად გააძლიერა უკრაინის არმიის თავდაცვითი პოტენციალი, რომ რუსეთის საგარეო საქმეთა მინისტრი, სერგეი ლავროვი, ღიად დაიმუქრა „სპეცოპერაციის“ გეოგრაფიული ამოცანების შეცვლით, თუ დასავლეთი კვლავ გააგრძელებს უკრაინისთვის შორ მანძილზე მოქმედების იარაღის მიწოდებას.
ამ განცხადების ფონია უკრაინის არმიის მიერ სავარაუდოდ სწორედ HIMARS-ის რაკეტების ზემოქმედებით ხერსონის რაიონში, დნეპრზე მდებარე 1,4-კილომეტრიანი სტრატეგიული ხიდის მწყობრიდან გამოყვანა, რომლის გარეშეც რუსეთის სარდლობას გაუჭირდება სამხედრო ძალების მომარაგება ამ ოკუპირებულ რეგიონში.
რუსეთის საგარეო საქმეთა მინისტრის თქმით, არ დაუშვებენ, რომ "უკრაინის იმ ნაწილში, რომელსაც ზელენსკი ან მისი შემცვლელი გააკონტროლებს", არსებობდეს შეიარაღება, რომელიც პირდაპირ საფრთხეს შეუქმნის რუსეთის ტერიტორიას და „იმ რესპუბლიკებს, რომლებმაც დამოუკიდებლობა გამოაცხადეს“.
ხოლო უკრაინის იმ ტერიტორიებზე, რომლებზეც რუსეთმა 24 თებერვალს დაწყებული სამხედრო ინტერვენციის შედეგად დაამყარა კონტროლი, თეთრი სახლის თანახმად, რუსეთმა დაიწყო "ანექსიის სცენარის" განვითარება: „ფიქციური რეფერენდუმების" ორგანიზებით, რუსული რუბლის მიმოქცევაში შეტანითა და ადგილობრივ მცხოვრებლებში რუსული პასპორტების დარიგებით.
სიახლეები
- ,,სააკაშვილის ფაქტორის ექსპლოატაციის გარდა, დიდი ხანია „ნაცმოძრაობამ“ არაფერი იცის, არც გაუკეთებია და არც შეუძლია"- ნიკა გვარამია
- ,,მიშა არა მხოლოდ სუსტი, არამედ გაფარჩაკებული ნარცისია"- თამარ ჩერგოლეიშვილი
- ,,საქართველოში ყველა იძულებით გადაადგილებულ პირს, ლტოლვილსა და მათ შთამომავალს აქვს უფლება დაუბრუნდეს საკუთარ სახლს"-ანალენა ბერბოკი
- ,,მადლობას ვუხდით ყველა სახელმწიფოს, რომელიც დადგა საქართველოს გვერდით და მხარი დაუჭირა დევნილთა უსაფრთხო, ღირსეული და შეუფერხებელი დაბრუნების უფლებას"- მაკა ბოჭორიშვილი
- გაერო-ს გენერალურმა ასამბლეამ „აფხაზეთიდან, საქართველო და ცხინვალის რეგიონიდან/სამხრეთ ოსეთი, საქართველო იძულებით გადაადგილებულ პირთა და ლტოლვილთა სტატუსის შესახებ“ რეზოლუცია მიიღო
