აზერბაიჯანის თავდაცვის უწყება 77 დაღუპული სამხედროს სიას აქვეყნებს
აზერბაიჯანის თავდაცვის სამინისტროს მიერ გამოქვეყნებული განახლებული ინფორმაციის თანახმად, 13-14 სექტემბერს აზერბაიჯანის საზღვარზე მომხდარი შეტაკებების შედეგად 77 სამხედრო მოსამსახურე დაიღუპა. 6 დაღუპული სამხედროს შესახებ ინფორმაცია თავდაცვის უწყებამ დღეს, 16 სექტემბერს გამოაქვეყნა.
გუშინ, 15 სექტემბრის საღამოს, 71 დაღუპული აზერბაიჯანელი სამხედროს შესახებ იყო ცნობილი.
სომხეთის პრემიერ-მინისტრმა ნიკოლ ფაშინიანმა მთავრობის დღევანდელ სხდომაზე 135 სომეხი სამხედროს დაღუპვის შესახებ დაადასტურა. მისი სიტყვებით, სამწუხაროდ, ეს შეიძლება არ იყოს საბოლოო რიცხვი, ვინაიდან კიდევ ბევრია დაჭრილი.
14 სექტემბერს, ღამით, სომხეთის ხელისუფლებამ დეტალების დაკონკრეტების გარეშე განაცხადა, რომ საერთაშორისო თანამეგობრობის მონაწილეობით მიღწეულია ცეცხლის შეწყვეტის შეთანხმება.
სომხეთისა და აზერბაიჯანის საზღვარზე საბრძოლო მოქმედებები რამდენიმე დღის წინ განახლდა, რაშიც მხარეებმა ბრალი ერთმანეთს დასდეს.
2020 წლის ნოემბერში, ე.წ. 44-დღიანი ომის შემდეგ, სომხეთი და აზერბაიჯანი რუსეთის შუამავლობით შეთანხმდნენ საომარი მოქმედებების შეწყვეტაზე. ამ შეთანხმებით, აზერბაიჯანმა დაიბრუნა ყარაბაღის რამდენიმე რაიონზე 90-იან წლებში დაკარგული კონტროლი. რეგიონში განთავსდა რუსეთის "სამშვიდობო კონტინგენტი".
სიახლეები
- "თუ არ ხევ მანდატს და არ გადიხარ, ე.ი. პარლამენტის ლეგიტიმურობას აღიარებ?" - ვახტანგ ძაბირაძე
- "ხალხო, შევწყვიტოთ „ბალერინკობის“ თამაში, „ტროტუარზე არ ავიდეთ“, „სკამზე არ ავიდეთ“, მუდმივად ვიმეორებთ „კანონის ფარგლებში“, რომელი კანონის ფარგლებში, რომელიც აღარ არსებობს?! - საჭიროა სიმტკიცე, მიწოლა! " - მიხეილ სააკაშვილი
- მსხვერპლი მოჰყვა უკრაინის ქალაქ სუმიზე რუსული დრონებით შეტევას
- "მათ არაფერი აკავშირებთ ამ ქვეყანასთან და არაფერი რომ არ აკავშირებთ, იმიტომაც იღებენ პასუხს ქუჩაში მათივე მხარდამჭერებისგან"- შალვა პაპუაშვილი ოპოზიციაზე
- "დღევანდელი ოპოზიცია, ის ოთხეული, რომელმაც ბარიერი გადალახა არა ამომრჩევლის, რამედ უცხოელი პატრონების ნებას წარმოადგენს" - შალვა პაპუაშვილი
