უკრაინის პრეზიდენტმა გათავისუფლებული ლიმანის ფოტოები გამოაქვეყნა
უკრაინის პრეზიდენტმა ვოლოდიმირ ზელენსკიმ სოციალური ქსელებით გაავრცელა დონეცკის ოლქში გათავისუფლებული ქალაქის, ლიმანის ფოტოები.
„აი, რა დატოვა ოკუპანტმა უკრაინულ ლიმანში. აგრესორი სახელმწიფო დაპყრობილ ტერიტორიებზე ყველგან ანადგურებს ცხოვრების ნებისმიერ საფუძველს: ეკონომიკას, სოციალურ სფეროს, კულტურას“, - წერს პრეზიდენტი ზელენსკი.
უკრაინის პრეზიდენტის განცხადებით, ამის შეჩერება შესაძლებელია მხოლოდ უკრაინის მიწების გათავისუფლებით. ზელენსკის თანახმად, დარწმუნებული არიან, რომ ქვეყნის მთელი ტერიტორია გათავისუფლდება უკრაინის, სიცოცხლის, კაცობრიობის, კანონის და სიმართლის მტრისგან.
1 ოქტომბერს ცნობილი გახდა, რომ უკრაინელმა სამხედროებმა გაათავისუფლეს დონეცკის ოლქის ქალაქი ლიმანი, სადაც რუსული ქვედანაყოფების პოზიციებს რამდენიმე კვირის განმავლობაში უტევდნენ. ერთი დღით ადრე, 30 სექტემბერს, რუსეთის პრეზიდენტმა პუტინმა ანექსირებულად გამოაცხადა უკრაინის დონეცკის, ლუგანსკის, ხერსონის და ზაპოროჟიეს ოლქები. 4 ოქტომბერს, ლიმანში გაიმართა უკრაინის სახელმწიფო დროშის აღმართვის ოფიციალური ცერემონია.
ლიმანზე კონტროლის აღდგენის შემდეგ, უკრაინის თავდაცვის ძალებმა კონტრშეტევა დაიწყეს ლუგანსკის ოლქის მიმართულებითაც. უკრაინის არმია კონტრიერიშს განაგრძობს ხერსონის ოლქშიც.
სიახლეები
- “თუ ჩვენ ცხოვრებაში ხშირად ვერ ვგრძნობთ ღვთის მაცხოვნებელ ძალას, სწორედ იმის ბრალია, რომ გვაკლია ასეთი რწმენა, რომ ჩვენში ძალიან ცოტაა ასეთი სარწმუნოება” – მეუფე შიო
- ტეხასში წყალდიდობის შედეგად დაღუპულთა რიცხვი 50-მდე გაიზარდა, მათ შორის 15 ბავშვია
- ”ვისაც სურს არჩევნებში მონაწილეობა, შეუძლიათ, მიმართონ პრეზიდენტს და მიიღონ შეწყალება” – მაია ბითაძე
- სოკოს სალათი
- “ვერ გავიზიარებ ჩემი თანაგუნდელების გადაწყვეტილებას თვითმმართველობის არჩევნებზე, შესაბამისად, დავტოვე „ლელოს“ პოლიტიკური საბჭო” – ანა ნაცვლიშვილი