"სამშვიდობო ხელშეკრულებისთვის სომხეთმა ყარაბაღი და რვა ანკლავი აზერბაიჯანის ნაწილად უნდა აღიაროს"
აზერბაიჯანის პრეზიდენტის, ილჰამ ალიევის განცხადებით, ორ ქვეყანას შორის სამშვიდობო ხელშეკრულებისთვის სომხეთის რესპუბლიკამ ყარაბაღი და კიდევ რვა ტერიტორია აზერბაიჯანის ნაწილად უნდა აღიაროს.
აღნიშნული განცხადება ალიევმა ჩინური მედიაკორპორაცია Media Group-სთვის მიცემულ ინტერვიუში გააკეთა.
აზერბაიჯანის პრეზიდენტმა ასევე აღნიშნა, რომ ამ შემთხვევაში ხელშეკრულების ხელმოწერა უახლოეს მომავალში შეიძლება მოხდეს.
„გასული წლის ოქტომბერში სომხეთმა უკვე გააკეთა ძალზე მნიშვნელოვანი განცხადება აზერბაიჯანის ტერიტორიული მთლიანობის აღიარების შესახებ, რაც აზერბაიჯანის ტერიტორიის 86 600 კვადრატული კილომეტრის აღიარებას გულისხმობს, ყარაბაღისა და რვა აზერბაიჯანული ანკლავის ჩათვლით. ამის შემდეგ ეს მხოლოდ ქაღალდზე გასაფორმებელი რჩება“, – განაცხადა ილჰამ ალიევმა.
სიახლეები
- "ერთადერთ რამეს ვთხოვ პოლიტიკურ პარტიებს, ერთმანეთის ლანძღვა ცოტა გააჩერონ" - პრეზიდენტი
- "პრეზიდენტი დიდ ეროვნულ საქმეს ეწევა ევროპული მომავლის გადასარჩენად, მაგრამ ამ ბრძოლაში იმ ადამიანის ციხეში მივიწყება, რომელმაც ქვეყანას ევროპის კარი გაუხსნა, გაუმართლებლად მიმაჩნია"
- " აფხაზეთში არ ვიმყოფები, რამდენიმე დღით მოსკოვში მივფრინავ" - ასლან ბჟანია
- მართლმადიდებელი ეკლესია გიორგობას აღნიშნავს
- "დასავლეთის შორ მანძილზე მოქმედი რაკეტებით რუსეთის ტერიტორიაზე დარტყმებმა უკრაინაში მიმდინარე კონფლიქტს გლობალური სახე მისცა"
