"რაც უფრო მკაცრი იქნება ევროპის მიერ რუსეთისთვის დაწესებული სანქციები, მით უფრო მტკივნეული იქნება ეს ევროპის ეკონომიკისთვის"
რაც უფრო მკაცრი იქნება ევროპის მიერ რუსეთისთვის დაწესებული სანქციები, მით უფრო მტკივნეული იქნება ეს ევროპის ეკონომიკისთვის, – ამის შესახებ რუსეთის პრეზიდენტის პრესმდივანმა, დიმიტრი პესკოვმა განაცხადა.
დასავლეთ ევროპელი ლიდერების, მათ შორის საფრანგეთის პრეზიდენტის, ემანუელ მაკრონის მიერ გაკეთებული განცხადებების შესახებ კითხვაზე, რომ სანქციების გამკაცრება რუსეთს ომის დასრულების მიზნით მოლაპარაკებებისკენ აიძულებდა, პესკოვმა განაცხადა, რომ მხოლოდ ლოგიკასა და არგუმენტებს შეეძლო რუსეთის მოლაპარაკებისკენ იძულება.
„დაველოდოთ და ვნახოთ, რა ფორმით იქნება მიღებული. ეჭვი არ გვეპარება, რომ ის მიღებული იქნება ევროპელების ზოგადი განწყობის გათვალისწინებით, რომელიც საკმაოდ მძვინვარე და მილიტარისტულია. ბოლო ოთხი წლის განმავლობაში ჩვენ უკვე გამოვიმუშავეთ გარკვეული წინააღმდეგობა და უკვე ვისწავლეთ, თუ როგორ შევამციროთ ასეთი პაკეტების შედეგები. ამიტომ ეს ყველაფერი დამატებით მუშაობას მოითხოვს; საბოლოო ჯამში, მსოფლიო ამ სანქციების გარშემო არ ბრუნავს. ჩვენ შედეგებს მინიმუმამდე დავაყვანთ“, – აღნიშნა პესკოვმა.
სიახლეები
- “გეტყვით, რა მოხდება 4 ოქტომბერს, 20:00 საათისთვის...” - ვახტანგ ძაბირაძე
- "რუსეთს პატარა, უსახო მეომრებისგან შემდგარი არმია ჰყავს, რომელსაც ციფრულ „ბოტებს“ ეძახიან, ისინი დემოკრატიით მანიპულირებენ ევროპაში"
- შეხვედრა სახელმწიფო ენის სწავლებისა და ინტეგრაციის პროგრამის კურსდამთავრებულებთან მარნეულში
- საინფორმაციო შეხვედრა ყრუ და სმენადაქვეითებულ ამომრჩევლებთან
- ცესკოს თავმჯდომარე არჩევნებისთვის მზადების პროცესს მარნეულში გაეცნო