საფრანგეთში ბოლო ათწლეულების ყველაზე მასშტაბური ხანძარი მძვინვარებს
საფრანგეთის სამხრეთში, ოდის რეგიონში ტყის ხანძარი რეკორდული სისწრაფით ვრცელდება და უკვე გაანადგურა 16,000 ჰექტარზე მეტი ტერიტორია,- ამის შესახებ “როიტერი” წერს.
მედიის ცნობით, ეს ქვეყნის ისტორიაში მეორე მსოფლიო ომის შემდეგ ერთ-ერთი ყველაზე მასშტაბური ხანძარია.
საფრანგეთის სამაშველო სამსახურების ინფორმაციით, ცეცხლმა გაანადგურა ათობით საცხოვრებელი სახლი და მოსახლეობის ნაწილი ევაკუირებულია. ადგილზე მობილიზებულია 2,000-ზე მეტი მეხანძრე და ათობით სპეციალიზებული ტექნიკა, მათ შორის Canadair-ის ტიპის წყლის გამფრქვევი თვითმფრინავები და ვერტმფრენები.
ფრანგული მედიის ცნობით, ხანძარს ერთი ადამიანის სიცოცხლე ემსხვერპლა, რამდენიმე კი დაკარგულად ითვლება. ორი ადამიანი მძიმედ დაშავდა, მათ შორის ერთ-ერთი მეხანძრეა.
საფრანგეთის პრემიერ-მინისტრმა, ფრანსუა ბაირუმ ხანძარი “კლიმატური კრიზისის პირდაპირ შედეგად” შეაფასა და საერთაშორისო საზოგადოებას მოუწოდა, მსგავსი კატასტროფების წინააღმდეგ ბრძოლაში გაერთიანდნენ.
გარემოს დაცვის სპეციალისტების თქმით, ხანძრის სწრაფი გავრცელება განპირობებულია უკიდურესი სიცხით, ძლიერი ქარითა და რეგიონში ხანგრძლივი გვალვით. ჰაერის ტემპერატურა ამ დროისთვის 40°C-ს აჭარბებს.
სიახლეები
- აგვისტოს ომიდან 17 წელი გავიდა
- “აქამდე, რომ მოვედით სწორედ ჩვენი გმირი ხალხის, ჩვენი გმირი ჯარისკაცების, მეომრების დამსახურებაა” - მიხეილ ყაველაშვილი
- “რუსეთს აქვს უკანონოდ ოკუპირებული საქართველოს ტერიტორიების 20% და რა თქმა უნდა, არაფერი არ ამართლებს რუსეთის ქმედებას” - პრემიერი
- “წლების განმავლობაში აღნიშნავდნენ ომის დაწყებას 8 აგვისტოს და 10 წლის თავზე, უცებ გადაწყვიტეს, რომ არა 8 აგვისტოს, არამედ 7 აგვისტოს დაწყებულა ომი, 10 წელი არ იცოდნენ როდის დაიწყო ომი? უტიფრობა, ალოგიკურობა და სირცხვილია „ნაცობა”” - ირაკლი კობახიძე
- “ეს დღე არის ერთი მხრივ ჩვენი გმირების მოგონების და მეორე მხრივ, ჩვენს მომავალზე დაფიქრების დღე” - შალვა პაპუაშვილი
