მაროკოში, ანტისამთავრობო საპროტესტო აქციებს ორი ადამიანი ემსხვერპლა
მაროკოში ანტისამთავრობო დემონსტრაციები მსხვერპლით დასრულდა. მედიის ინფორმაციით, ახალგაზრდების მიერ ორგანიზებული საზოგადოებრივი მომსახურების მდგომარეობის წინააღმდეგ გამართული საპროტესტო აქციების დროს პოლიციამ ორი ადამიანი მოკლა.
როგორც ადგილობრივი მედია აღნიშნავს, პოლიციამ დემონსტრანტებს ცეცხლი, სავარაუდოდ, თავდაცვის მიზნით გაუხსნა.
საპროტესტო ტალღა რამდენიმე ქალაქში, მათ შორის კასაბლანკასა და რაბატში, მთავრობის ეკონომიკური პოლიტიკისა და მზარდი უმუშევრობის გამო დაიწყო. აქციის მონაწილეები ხელისუფლებას კორუფციასა და სოციალური პრობლემების უგულებელყოფაში ადანაშაულებენ.
დემონსტრანტებმა გააპროტესტეს 2030 წლის ფეხბურთის მსოფლიო ჩემპიონატის მასპინძლობისთვის გამოყოფილი მილიარდები, მაშინ როდესაც მათივე თქმით, სკოლებსა და საავადმყოფოებს ძირითადი მომსახურების დაფინანსება ჯერ კიდევ არ აქვთ.
შინაგან საქმეთა სამინისტროს განცხადებით, მიმდინარეობს გამოძიება. სამინისტროს ცნობით, ამ დროისთვის 263 პოლიციელი დაშავდა და მათი 142 მანქანა დაზიანდა.
მთავრობა აქციების ორგანიზატორებს საზოგადოებრივი წესრიგის დარღვევასა და ძალადობის პროვოცირებაში ადანაშაულებს, პარალელურად ოპოზიცია აცხადებს, რომ ხელისუფლება მშვიდობიან დემონსტრანტებს არბევს.
სიახლეები
- ,,სააკაშვილის ფაქტორის ექსპლოატაციის გარდა, დიდი ხანია „ნაცმოძრაობამ“ არაფერი იცის, არც გაუკეთებია და არც შეუძლია"- ნიკა გვარამია
- ,,მიშა არა მხოლოდ სუსტი, არამედ გაფარჩაკებული ნარცისია"- თამარ ჩერგოლეიშვილი
- ,,საქართველოში ყველა იძულებით გადაადგილებულ პირს, ლტოლვილსა და მათ შთამომავალს აქვს უფლება დაუბრუნდეს საკუთარ სახლს"-ანალენა ბერბოკი
- ,,მადლობას ვუხდით ყველა სახელმწიფოს, რომელიც დადგა საქართველოს გვერდით და მხარი დაუჭირა დევნილთა უსაფრთხო, ღირსეული და შეუფერხებელი დაბრუნების უფლებას"- მაკა ბოჭორიშვილი
- გაერო-ს გენერალურმა ასამბლეამ „აფხაზეთიდან, საქართველო და ცხინვალის რეგიონიდან/სამხრეთ ოსეთი, საქართველო იძულებით გადაადგილებულ პირთა და ლტოლვილთა სტატუსის შესახებ“ რეზოლუცია მიიღო
