თეირანში სპორტული საზოგადოების სამი წევრი ცეცხლსასროლი იარაღით მოკლეს
ირანის სპორტული საზოგადოების სამი წევრი – ყოფილი ფეხბურთელი მოჯტაბა ტორშიზი, ახალგაზრდა კალათბურთელი აჰმად ხოსრავანი და ფეხბურთის მწვრთნელი მეჰდი ლავასანი – თეირანში გამართული საპროტესტო აქციების დროს ირანის სამთავრობო ძალების მიერ გახსნილ ცეცხლს ემსხვერპლნენ.
ადამიანის უფლებათა დაცვის “ჰენგაუს” ორგანიზაციის მიერ მიღებული ინფორმაციის თანახმად, სამივე მამაკაცი დედაქალაქში გამართული საპროტესტო აქციების დროს მოკლეს.
დამატებითი დეტალები მიუთითებს, რომ ლავასანს, ზურგში ესროლეს და ადგილზე გარდაიცვალა.
ხოსრავანი ფარზან შემირანის 3×3 კალათბურთის გუნდის წევრი და შარიფის ტექნოლოგიური უნივერსიტეტის სტუდენტი იყო. მან თეირანის 3×3 კალათბურთის შეჯიბრებებში ჩემპიონობა მოიპოვა.
ტორშიზი ადრე რამდენიმე ირანულ საფეხბურთო კლუბში თამაშობდა, მათ შორის „ნასაჯი მაზანდარანში“, „ტრაქტორში“, „ფაჯრ სეპასიში“ და „მეს კერმანში“.
Hengaw ადასტურებს, რომ ირანში ბოლო დროს გამართული საპროტესტო აქციების დროს 2500-ზე მეტი ადამიანი დაიღუპა.
სიახლეები
- ,,რა დავაშავე, რომ ჩემს დასთან, ჩემს შვილებთან და მეუღლესთან არ შემიძლია დარეკვა?"- პაატა ბურჭულაძე
- ,,ხელისუფლებაში რომ ყოფილიყო მათი „ენჯეოს“ კოჰორტა, დღეს ვიქნებოდით დანგრეული ქვეყანა"- შალვა პაპუაშვილი
- „ქართული ოცნების“ სახელით გუშინ ოფიციალური საჩივრით მივმართეთ „ბიბისის“ – შალვა პაპუაშვილი
- ჩხოროწყუში მომხდარ ავარიას 21 წლის ახალგაზრდა ემსხვერპლა
- რუსეთი მზადაა, აშშ-სა და ირანს შორის შუამავლის როლი შეასრულოს
