რუსეთი დეზინფორმაციას ავრცელებს კორონავირუსზე – Reuters-ი ევროკავშირის დოკუმენტზე
„მიმდინარეობს რუსული მედიის და სახელისუფლებო მედიასაშუალებების მნიშვნელოვანი დეზინფორმაციული კამპანია COVID 19-თან დაკავშირებით,“ – აღნიშნულია ევროკავშირის დოკუმენტში, რომელიც Reuters-მა მოიპოვა.
Reuters-ის ინფორმაციით, ევროკავშირის დოკუმენტში წერია:
„კრემლის დეზინფორმაციის მიზანს დასავლეთის ქვეყნებში საზოგადოებრივი ჯანდაცვის კრიზისის გამწვავება წარმოადგენს“.
Reuters-ის მიერ გავრცელებული ინფორმაციის მიხედვით, 22 იანვრიდან ევროკავშირის მონაცემთა ბაზაში კორონავირუსის შესახებ დეზინფორმაციის გავრცელების თითქმის 80 შემთხვევა დაფიქსირდა. მათი ძირითადი ნაწილი ეხება იმას, რომ კორონავირუსი ამერიკის შეერთებული შტატების ბიოლოგიური იარაღია, ასევე, მაგალითად, რუსულმა მედიამ გაავრცელა ცრუ ინფორმაცია ლიტვაში ჩასახლებული ამერიკელი ჯარისკაცის შესახებ, რომელიც ინფიცირებული და ჰოსპიტალიზებულია.
„რუსული კამპანია, რომელიც ყალბ ამბებს აქვეყნებს ინტერნეტში ინგლისურ, ესპანურ, იტალიურ, გერმანულ და ფრანგულ ენებზე, იყენებს ურთიერთსაწინააღმდეგო, დამაბნეველ და მავნებლურ ინფორმაციას იმისთვის, რომ ევროკავშირს გაურთულოს პანდემიაზე რეაგირება“, – წერს Reuters-ი.
Reuters-ის ცნობით, ევროკავშირმა ამ საკითხის კომენტირებაზე უარი თქვა, ხოლო კრემლმა უარყო ბრალდებები და მას „უსაფუძვლო“ უწოდა.
სიახლეები
- ხილის დესერტი იოგურტით
- მსოფლიოსლაიდერი ევროპის ცენტრალურ და აღმოსავლეთ ნაწილში წყალდიდობის შედეგად დაღუპულთა რიცხვი 23-მდე გაიზარდა
- " საზარელი მკვლელობა, ადამიანურობის უარყოფა " - პრეზიდენტი – კესარია აბრამიძის მკვლელობაზე
- ცესკო პოლიტიკურ პარტიებს პარლამენტის არჩევნებისთვის პარტიული სიის ელექტრონულად წარდგენის შესაძლებლობას აძლევს
- " საზარელი მკვლელობა, ადამიანურობის უარყოფა! ეს თუ გამოაფხიზლებს ჩვენ საზოგადოებას - ამ მშვენიერი ახალგაზრდა ქალის სიკვდილი ჩვენ გაადამიანურებას და გაქრისტიანებას მაინც გამოადგეს " - პრეზიდენტი