„მსურს, რომ ეკონომიკა ღია დარჩეს რამდენადაც ეს შესაძლებელი იქნება" - ბორის ჯონსონი
დიდი ბრიტანეთის პრემიერ-მინისტრი, ბორის ჯონსონი აცხადებს, რომ ქვეყანაში კორონავირუსის მეორე ტალღის ნიშნებია.
მისივე თქმით, ანალოგიური პროცესია მოსალოდნელი მთელი ევროპის მასშტაბით.
„ცხადია, ჩვენ ძალიან ყურადღებით ვაკვირდებით ეპიდემიის გავრცელებას იმის ფონზე, რომ ბოლო რამდენიმე დღის განმავლობაში შემთხვევების მატებაა და ახლა მეორე ტალღის ნიშნებს ვხედავთ. ჩვენ ამას ვხედავთ ევროპის მასშტაბით. ვფიქრობ, ეს გარდაუვალი იყო“, - განაცხადა ბორის ჯონსონმა.
დიდი ბრიტანეთის პრემიერ-მინისტრმა ასევე აღნიშნა, რომ მას არ სურს კარანტინის გამოცხადება და ღია ეკონომიკის მომხრეა.
„მსურს, რომ ეკონომიკა ღია დარჩეს რამდენადაც ეს შესაძლებელი იქნება. გვსურს, რომ ბიზნესმა ფუნქციონირება განაგრძოს. ამის უზრუნველყოფის ერთადერთი საშუალება წესების დაცვაა“, - დასძინა ბორის ჯონსონმა.
სიახლეები
- „ქრონიკა პლუსის“ რედაქტორი ელისო კილაძე დააკავეს
- ინდური, არაბული და მექსიკური კვების ობიექტები – სეს-მა კვების 7 ობიექტს საწარმოო პროცესი შეუჩერა
- ჟენევაში ირანსა და აშშ-ს შორის მოლაპარაკებები დაიწყო
- საქართველოს წყვილმა ზამთრის ოლიმპიურ თამაშებზე ვერცხლის მედალი მოიპოვა
- ,,დღეს უფრო თვალსაჩინოა, რომ შანტაჟი, რომელიც მომდინარეობს გარე ძალებისგან მათ მიერ მართული შიდა აქტორების გამოყენებით, ემსახურება საქართველოსა და რეგიონში პროცესების ესკალაციას"- მიხეილ ყაველაშვილი
