შესაძლოა კვლავ სრულ კარანტინს დავუბრუნდეთ - ჯანმო
ჯანდაცვის მსოფლიო ორგანიზაციის საგანგებო სიტუაციების სამსახურის უფროსის, მაიკ რაიანის განცხადებით, მსოფლიოში COVID-19-ის ეფექტური ვაქცინის გლობალურ გავრცელებამდე, შესაძლოა კორონავირუსის შედეგად გარდაცვლილთა რიცხვი ორ მილიონამდე გაიზარდოს.
ამის შესახებ ინფორმაციას BBC ავრცელებს.
მსოფლიოში ეპიდემიის გავრცელებიდან დღემდე კორონავირუსით თითქმის ერთი მილიონი ადამიანი გარდაიცვალა. თუმცა, მაიკ რაიანის განცხადებით, შეთანხმებული მოქმედებების გარეშე ეს მაჩვენებელი შესაძლოა გაცილებით მეტი იყოს.
გამოცემა აღნიშნავს, რომ ბოლო დღეებში, მთელ ევროპაში ინფექციების ახალი შემთხვევების მატება აღინიშნება.
”საერთო ჯამში, ჩვენ ვხედავთ დაავადების შემაშფოთებელ ზრდას... სრული ჩაკეტვა თითქმის უკანასკნელი საშუალებაა - და საკმაოდ რეალურია აზრი, რომ სექტემბერში კვლავ მას დავბრუნდით”, - განაცხადა მაიკ რაიანმა ჯანდაცვის მსოფლიო ორგანიზაციის შტაბ-ბინაში, ჟენევაში გამართული ბრიფინგისას.
სიახლეები
- პაკისტანში წყალდიდობების შედეგად 300-ზე მეტი ადამიანი დაიღუპა
- ზელენსკი ტრამპს ორშაბათს ვაშინგტონში შეხვდება
- “მოლაპარაკებები პატივისცემით სავსე და კონსტრუქციულ ატმოსფეროში გაიმართა” - პუტინი
- ვლადიმერ პუტინის განცხადებით, უკრაინასთან კონფლიქტი არ მოხდებოდა იმ დროს აშშ-ის პრეზიდენტი დონალდ ტრამპი რომ ყოფილიყო
- ბათუმი-ქობულეთის შემოვლით გზაზე ავტოსაგზაო შემთხვევას ერთი ადამიანი ემსხვერპლა - დაშავდა კიდევ 6 ადამიანი
