საქართველოს ხელისუფლება კორონავირუსის პანდემიის გამო შექმნილი ეკონომიკური შოკის დასაძლევად ანტიკრიზისულ გეგმას უახლოეს დღეებში წარადგენს. მანამდე კი მთავრობამ ბიზნესს გარკვეული გადასახადები უკვე გაუუქმა და მოსახლეობას სხვადასხვა ჯარიმების გადახდის ვადა გაუხანგრძლივა. 3-თვიანი საშეღავათო პერიოდი დაუწესეს კომერციულმა ბანკებმა მსესხებლებს.
დღეიდან აზერბაიჯანში მოქალაქეებს შინიდან გასვლა ეკრძალებათ, - ამის შესახებ ინფორმაციას ადგილობრივი მედია ავრცელებს.
თურქეთის პრეზიდენტმა კორონავირუსთან ბრძოლის ფარგლებში „ეროვნული სოლიდარობის კამპანია“ დააფუძნა და შემოწირულობის სახით საკუთარი 7 თვის ხელფასი გაიღო, - ამის შესახებ ინფორმაციას თურქული მედია ავრცელებს.
აშშ-ის პრეზიდენტის, დონალდ ტრამპის თქმით, თუ კორონავირუსით გარდაცვლილთა რაოდენობა 100 000-ზე მეტი არ იქნება, ეს იმას ნიშნავს, რომ მისმა ადმინისტრაციამ „მაგრად იმუშავა“.
ევროპას ხილისა და ბოსტნეულის დეფიციტი ემუქრება, - ამის შესახებ ინფორმაციას Bloomberg-ი აქვეყნებს. გამოცემის ცნობით, დეფიციტის მთავარი მიზეზი მუშა-ხელის ნაკლებობა გახდება.
მსოფლიოში კორონავირუსით ინფიცირებულთა რიცხვი 680 696-ს აღწევს, ლეტალური შემთხვევების რაოდენობამ კი 31 000-ს გადააჭარბა.
