ფლორიდის შტატში გრძელდება სამძებრო-სამაშველო ოპერაცია. დამანგრეველმა ქარიშხალმა „მილტონმა“, რომელსაც თან ახლდა ტორნადო და კოკისპირული წვიმა, ტელეკომპანია CNN-ის ცნობით, სულ მცირე 15 ადამიანის სიცოცხლე იმსხვერპლა. სულ მცირე 16 დაღუპულის შესახებ იუწყება ტელეკომპანია CBS-ი.
ბრიტანულ გაზეთ „დეილი ტელეგრაფში“ (The Daily Telegraph) გამოქვეყნებულია სტატია სათაურით: „დონალდ ტრამპის „გარიგების ხელოვნება“ - როგორ უნდა დამყარდეს უკრაინაში მშვიდობა“ (ავტორი - ჯო ბარნსი). თუ აშშ-ის ყოფილი პრეზიდენტი 5 ნოემბრის არჩევნებში გაიმარჯვებს, იგი რუსეთ-უკრაინის ომის შეწყვეტის საკითხში ისე იმოქმედებს, როგორც თავისი საქმიანი მოლაპარაკების დროს იქცევა ხოლმე“, - ასეთია მასალის დედააზრი.
უკრაინა ბრძოლის ველზე რუსეთთან ომს ვერ მოიგებს, – ამის შესახებ უნგრეთის პრემიერ-მინისტრმა, ვიქტორ ორბანმა სტრასბურგში გამართულ ბრიფინგზე განაცხადა.
უკრაინის საკითხზე რუსეთის პრეზიდენტს, ვლადიმერ პუტინს ორმხრივად, უკრაინის მონაწილეობის გარეშე არ შევხვდები,- ამის შესახებ აშშ-ის პრეზიდენტობის კანდიდატი „დემოკრატიული პარტიიდან“, კამალა ჰარისი აცხადებს.
„ორმხრივად, უკრაინის გარეშე არა. უკრაინას უნდა ჰქონდეს სიტყვის თქმის საშუალება უკრაინის მომავალზე“, – განაცხადა ჰარისმა.
ჰარისმა ხაზი გაუსვა, რომ ამ ომის დასრულებაში წარმატების მიღწევა ვერ მოხდება, თუ უკრაინა და გაერო-ს წესდება ამ წარმატების ფორმირებაში მონაწილეობას არ მიიღებენ.
პრეზიდენტობის კანდიდატმა დონალდ ტრამპის შესახებაც განაცხადა, რომ ის ვერ შეძლებს ომის დასრულებას.
”ტრამპი საუბრობს, რომ მას შეუძლია დაასრულოს ომი პირველივე დღეს. იცით ეს რა არის? საუბარია კაპიტულაციაზე. ტრამპი რომ პრეზიდენტი ყოფილიყო, პუტინი, სწორედ ახლა, კიევში იჯდებოდა“, – აღნიშნა ჰარისმა.
მან ხაზი გაუსვა, რომ გააგრძელებს უკრაინის მხარდაჭერას.
„ჩემი მხარდაჭერა უკრაინელი ხალხისადმი ურყევია. ვამაყობ უკრაინის გვერდით დგომით და სულ ასე გავაგრძელებ“, – აღნიშნა ჰარისმა.
დღეს, 7 ოქტომბერს, ერთი წელი შესრულდა ისრაელზე პალესტინელთა რადიკალური, ისლამისტური მოძრაობა ჰამასის მასშტაბური თავდასხმიდან, რომელსაც 1200-მდე ადამიანის სიცოცხლე ემსხვერპლა და ისრაელის მხრიდან მოჰყვა დიდი მსხვერპლის გამომწვევი სამხედრო ოპერაცია ღაზის სექტორში.
ნატოს და ევროკავშირის წევრი სლოვაკეთის პრემიერ-მინისტრი რობერტ ფიცო მიიჩნევს, რომ ნატოში უკრაინის გაწევრება მესამე მსოფლიო ომის დაწყების საფუძველი გახდება. ფიცოს თანახმად, სანამ ის პრემიერ-მინისტრია, სლოვაკეთი არ დასთანხმდება ნატოში უკრაინის მიღებას. როგორც გერმანული DW წერს, ფიცომ ეს განაცხადა 6 ოქტომბერს, სლოვაკეთის საზოგადოებრივ მაუწყებელთან ინტერვიუში.
