აშშ-ის საელჩო უკრაინაში მიმდინარე მოვლენებს საქართველოში 2008 წელს განვითარებულ სცენარს ადარებს და აცხადებს, რომ მსოფლიო მეტად აღარ გასულელდება.
აშშ-ის პრეზიდენტი ჯო ბაიდენი ამტკიცებს, რომ უკრაინის ნატოში მიღებას არ აპირებენ „ხვალ“, მაგრამ მსგავსი მორატორიუმი - ალიანსის გეგმების რეალიზაციაა და არა რუსეთისთვის დათმობა. ამის შესახებ რუსეთის პრეზიდენტმა ვლადიმერ პუტინმა რუსეთის უშიშროების საბჭოს სხდომაზე განაცხადა.
რუსეთი პირველი არასდროს, არავის დასხმია თავს და ამდენი კონფლიქტის გადამტანს, არც კი სურს წარმოთქვას სიტყვა „ომი“, - ამის შესახებ რუსულ სახელმწიფო ტელევიზიასთან საუბარში ვლადიმერ პუტინის პრესმდივანმა დიმიტრი პესკოვმა განაცხადა.
ევროკავშირი დონბასში დასახლებული პუნქტების მისამართით ცეცხლის გახსნას გმობს. საგარეო პოლიტიკისა და უსაფრთხოების საკითხებში ევროკავშირის უმაღლესი კომისრის, ჟოზეფ ბორელის განცხადებაში ნათქვამია, რომ რუსეთის მიერ უკრაინაში და მის გარშემო შეიარაღებული ძალების მობილიზება სერიოზულ შეშფოთებას იწვევს.
აშშ-ის პრეზიდენტი, ჯო ბაიდენი სადაზვერვო ინორმაციაზე დაყრდნობით აცხადებს, რომ რუსეთი უახლოეს დღეებში უკრაინაში შეიჭრება. ეს განცხადება მან დღეს გამართულ პრესკონფერენციაზე გააკეთა. ბაიდენის თქმით, პუტინის სამიზნე კიევია.
რუსეთის საოკუპაციო ძალებმა დონბასში ცეცხლის შეწყვეტის რეჟიმი 19-ჯერ დაარღვია, მათგან 16 მინსკის შეთანხმებით აკრძალული იარაღის გამოყენებით, - უკრაინული მედიის ინფორმაციით ამის შესახებ გაერთიანებული ძალების ოპერაციის შტაბში განაცხადეს.
