ნატო განაგრძობს იაპონიასთან პარტნიორობის გამტკიცებას უკრაინაში მიმდინარე ომის ფონზე, – ამის შესახებ ჩრდილოატლანტიკური ალიანსის გენერალურმა მდივანმა, იენს სტოლტენბერგმა ტოკიოში ვიზიტისას განაცხადა, სადაც ის პრემიერ-მინისტრ ფუმიო კიშიდას შეხვდა.
გაერთიანებული სამეფოს ყოფილი პრემიერ-მინისტრის, ბორის ჯონსონის განცხადებით, რუსეთის უკრაინაში შეჭრის წინ გამართული სატელეფონო საუბრის დროს რუსეთის პრეზიდენტი, ვლადიმერ პუტინი მას სარაკეტო დარტყმით დაემუქრა.
28 იანვარს რუსულმა ძალებმა ზაპოროჟიეს ოლქის 20-მდე დასახლებას გაუხსნეს ცეცხლი.
ისრაელის ხელისუფლება მოქალაქეებისთვის იარაღის ტარების რეგულაციებს ამარტივებს მას შემდეგ, რაც ბოლო დღეების განმავლობაში ქვეყანაში შეიარაღებული თავდასხმები გახშირდა. მინისტრთა კაბინეტში მიაჩნიათ, რომ რიგითი მოქალაქეები იარაღის ტარების შემთხვევაში თავდაცვას დამოუკიდებლადაც შეძლებენ.
ჩეხეთს ახალი პრეზიდენტი ჰყავს. არჩევნების მეორე ტურის შედეგად, გამარჯვება ხმათა 57.6%-ით ყოფილმა გენერალმა, პეტრ პაველმა მოიპოვა.
ირანში სამხედრო ინფრასტრუქტურის ობიექტებზე სარაკეტო იერიშები განხორციელდა. შედეგად, გავრცელებული ცნობით, განადგურდა ისპაანში მდებარე დრონებისა და საბრძოლო მასალების მწარმოებელი სამხედრო ქარხანა. ძლიერი ხანძარი გაჩნდა, ქალაქ შაჰიდ-სალიმში მდებარე ძრავის ზეთების მწარმოებელ ქარხანაში.
