საქართველო - ველური კავკასიის ხიბლი
გერმანიის თიურინგიის მხარის გაზეთ „ოსტთიურინგერ ზაიტუნგ“-ში («Ostthüringer Zeitung»), რომელიც ქალაქ გერაში იბეჭდება, გამოქვეყნებულია სარედაქციო სტატია სათაურით „საქართველო - ველური კავკასიის ხიბლი“, რომელიც მკითხველს სთავაზობს გაეცნოს ქართულ კულტურასა და ტრადიციებს მულტივიზიური შოუს მეშვეობით.
კორონავირუსის პანდემიის გამო ტურიზმისა და მოგზაურობის მოყვარულები საკმაოდ არასახარბიელო სიტუაციაში აღმოჩნდნენ, ამიტომ გაზეთმა გადაწყვიტა ეს დანაკლისი შეავსოს და მსურველებს მულტივიზიურ შოუზე იწვევს, რომელიც 23 სექტემბერს გერას საქალაქო ბიბლიოთეკის დარბაზში გაიმართება. შოუს უძღვება რალფ შვანი - მთამსვლელი, მოგზაური, რომელიც საქართველოში მრავალჯერ არის ნამყოფი.
„საქართველო - ეს არის მრავალფეროვანი ქვეყანა, უძველესი კულტურით, თბილი და კეთილი მცხოვრებლებით, სტუმართმოყვარე ხალხით, ეგზოტიკური კულინარიით და კავკასიის გრანდიოზული მთებით. რალფ შვანი ევროპასა და აზიას შორის მდებარე ქვეყნის ნათელ პორტრეტს მულტივიზიურ რეპორტაჟში წარმოგიდგენთ“, - ნათქვამია სტატიაში.
„მსურველები გაეცნობიან სვანეთს თავისი შუა საკუნეების დროინდელი კოშკებით, ვირტუალურად დალაშქრავენ ხუთკილომეტრიანი სიმაღლის ყაზბეგის მთას, რომელზეც ლეგენდარული პრომეთე ყოფილა მიჯაჭვული, დაათვალიერებენ ხევსურეთს, ეგზოტიკურ სოფელ შატილს და მუცოს, თუშეთს... ყურადღების გარეშე არ იქნება დატოვებული საქართველოს არც სხვა რეგიონები: კახეთი როგორც კულინარიისა და მეღვინეობის რეგიონი, ვაშლოვანის ნაკრძალი თავისი უნიკალური ფლორითა და ფაუნით, სამცხე-ჯავახეთის ვულკანური ლანდშაფტი“, - აღნიშნულია პუბლიკაციაში.
მოამზადა სიმონ კილაძემ
წყარო:
https://www.otz.de/regionen/gera/georgien-im-zauber-des-wilden-kaukasus-id230477390.html
სიახლეები
- "ევროკავშირის კონკრეტული ქვეყნების წარმომადგენლების აქციაზე ყოფნა უარყოფითად აისახება არა მხოლოდ შესაბამისი ქვეყნის, არამედ ევროკავშირის იმიჯზეც"
- ქუთაისის სპორტის სასახლეში გაიხსნა იმერეთის სასკოლო სპორტული ლიგა მინი ფეხბურთში
- უცხოური ვალუტის ოფიციალური კურსი 17 მაისისთვის
- "გვსურს, მშვიდობიანი შეკრებით წარმოვაჩინოთ, რომ ჩვენი ისტორიის, ტრადიციების, ღირებულებების დაცვა უმნიშვნელოვანესია და ვიწრო პოლიტიკურ ინტერესებზე მაღლა დგას"
- "ევროკავშირის საგარეო საქმეთა მინისტრები რუსთაველის ტრიბუნიდან გამოსვლას „ვარდების რევოლუციის“ ხსენებით იწყებენ"