მისი თქმით, ახლა დროა, რომ ყველამ ერთად იზრუნოს ქვეყნის ფეხზე დაყენებისა და განვითარებისთვის.

ამასთანავე, გიორგი ვაშაძემ იმედი გამოთქვა, რომ ხელისუფლებასთან მოლაპარაკებების პროცესი გაგრძელდება და მოლაპარაკების მეორე მხარეს მყოფნი უფრო კონკრეტული წინადადებებით წარსდგებიან ოპოზიციის წინაშე.

„ახლა, ვფიქრობ, რომ ყველამ ერთად უნდა ვიზრუნოთ იმისთვის, რომ ფეხზე დავაყენოთ საქართველო, განვავითაროთ ქვეყანა და არასდროს არ იყოს ასეთი მონოპოლიური მმართველობა, თუნდაც ის მძიმე ვითარება, რაც ქვეყანაში არის. მინდა თითოეულ მოქალაქეს ვუთხრა, რომ ეკონომიკური პრობლემებიც, სოციალური პრობლემებიც, კორონა კრიზისიც დაკავშირებულია იმ არასწორ მმართველობასთან, რომელიც ქვეყანაში ჩამოყალიბდა ბოლო წლების განმავლობაში და ამის ნათელი მაგალითი იყო არჩევნები, რომლებიც ჩვენ გამოვიარეთ. ამიტომ, ვფიქრობ, რომ ოპოზიციის ერთიანი გადაწყვეტილება, რომ ჩვენ არ შევდივართ პარლამენტში, არის ძალიან მნიშვნელოვანი ნაბიჯი იმისთვის, რომ მეორე მხარეს მყოფმა ადამიანებმა კარგად გაიაზრონ, რა რეალობაში არის დღეს ქვეყანა და რა რეალობაში არის საქართველო. მე იმედს ვიტოვებ, რომ ხვალ გვექნება მოლაპარაკების შესაძლებლობა, მაგრამ ამ მოლაპარაკებაზე მეორე მხარე გაცილებით უფრო რაციონალური, კონკრეტული წინადადებით მოვა. ჩვენი მიზანი არ არის, რომ გავხლიჩოთ საზოგადოება, არამედ ჩვენი მიზანი არის, რომ გავაერთიანოთ საზოგადოება და ამისთვის ვდგამთ ამ ნაბიჯს, რასაც ვდგამთ დღევანდელ დღეს,“- განაცხადა გიორგი ვაშაძემ.