"მომდევნო წლებში დაგეგმილია დეკლარაციების შემოწმების ავტომატური სისტემის დანერგვა ყველა ძირითადი გადასახადის მიხედვით"
მომდევნო წლებში დაგეგმილია დეკლარაციების შემოწმების ავტომატური სისტემის დანერგვა ყველა ძირითადი გადასახადის მიხედვით, – ამის შესახებ ფინანსთა მინისტრობის კანდიდატმა, ივანე მაჭავარიანმა მეათე მოწვევის პარლამენტის ხუთი კომიტეტის გაერთიანებულ სხდომაზე სიტყვით გამოსვლისას განაცხადა.
როგორც მან აღნიშნა, აღნიშნული სისტემა წარმატებით დანერგილია დღგ-ის დეკლარაციებისთვის. წინასწარ შემუშავებული რისკის კრიტერიუმებით დეკლარაციების სისწორის შემოწმება, მისი თქმით, ეტაპობრივად შეამცირებს გასვლითი საგადასახადო შემოწმებების რაოდენობასა და ხელს შეუწყობს გადასახადის გადამხდელთა კანონშესაბამისობის ზრდას.
„ასევე, შეიქმნება ბუნებრივი რესურსების მოსაკრებლის ავტომატური დარიცხვის პროგრამა, რომლის გამოყენებითაც გადასახადის გადამხდელებს ავტომატურად დაერიცხებათ ბუნებრივი რესურსების ლიცენზიისა და ათვისების გეგმით გათვალისწინებული მოსაკრებლის თანხები. შედეგად, გამარტივდება მოსაკრებლის ადმინისტრირების პროცესი და დაზოგავს განცხადების წარდგენისთვის საჭირო დროს. შემუშავდება სავარაუდო დარიცხვის მექანიზმები გადამხდელის მიერ დაუდეკლარირებელ ვალდებულებებზე. აღნიშნული სისტემა სატესტო რეჟიმში ამუშავდება დღგ-ზე და ეტაპობრივად, დაინერგება სხვა გადასახადის სახეებშიც. პროექტის მიხედვით, გადასახადის გადამხდელს სავარაუდო დარიცხვის ანულირება შეეძლება მარტივად, დეკლარაციის დაზუსტებით“, – განაცხადა ივანე მაჭავარიანმა.
მისი თქმით, მიმდინარეობს საგადასახადო კონტროლის პროცედურების მოდერნიზაციის რეფორმა, რომელიც ითვალისწინებს გადასახადის გადამხდელთა ადრეულ ეტაპზე ინფორმირებას შესაძლო შეუსაბამობასთან დაკავშირებით.
სიახლეები
- "ძალადობაა, როცა ზეწოლის გზით გაიძულებენ გაიმეორო მათი „მესიჯები" - კახა კალაძე
- "კანონის გაუქმებას ითხოვენ, რადგან არავის სიამოვნებს გამჭვირვალობა, ეს გასაგებია, თუმცა ვერ იქნება მისაღები ჩვენთვის"
- "მოვუწოდებ სახელმწიფო თანამდებობებზე მყოფ ნებისმიერ პირს, მათ შორის ჩემ დროს დანიშნულს, გააკეთოს სწორი არჩევანი"- მიხეილ სააკაშვილი
- "დარწმუნებული ვარ, ყველა სირთულე, რაც ევროკავშირის განვითარებასთან და საქართველო-ევროკავშირის ურთიერთობებთანაა დაკავშირებული, გადაილახება" - პრემიერი
- "აუცილებლად იქნება ევროპის დღე საქართველოსთვის და ევროპის დღე ბელარუსისთვის" - ზელენსკი