სააკაშვილს აქვს სასჯელი რეფორმირებული სასამართლოს მიერ - თეა წულუკიანი
იუსტიციის ყოფილმა მინისტრმა თეა წულუკიანმა მიხეილ სააკაშვილის პატიმრობაში ყოფნა და მის გარშემო მიმდინარე მოვლენები შეაფასა.
მისი თქმით, საქართველოს მესამე პრეზიდენტის გათავისუფლების ერთადერთი სამართლებრივი ბერკეტი პრეზიდენტის შეწყალებაა. წულუკიანმა თქვა, რომ აქვს იმედი, პრეზიდენტი ამ გადაწყვეტილებას არ შეცვლის.
"მიხეილ სააკაშვილი, რომელიც პრეზიდენტია, პოლიტიკოსი იყო ტურბულენტური მოცემულობაა, მას აქვს იმედები და სურვილი, რომ მალე დატოვოს პენიტენციური დაწესებულება. მაგრამ ამისათვის მხოლოდ სურვილები არ კმარა, რეალობა არის მისთვის საკმაოდ მწარე, და მას მოუწევს მოუწევს შეეგუოს პატიმრობას, იმიტომ, რომ მას აქვს სასჯელი, გამოტანილი რეფორმირებული სასამართლოს მიერ. ასევე ეს არის უმნიშვნელოვანესი დაზარალებულთა უფლებებისთვის, რომლებიც ოპოზიციას ძალიან ხშირად ავიწყდება, იმიტომ, რომ ცალკე აღებული კანონი და სასჯელი არაფერს არ ნიშნავს. ეს ყველაფერი არსებობს დაზარალებულთა უფლებების დაცვის მიზნით და არა რაღაც აბსტრაგირებული რეალობებისთვის. მთავარი არის ის, ვისაც დაუშავდა და მისი უფლებაა დამნაშავე იყოს დასჯილი", - განაცხადა თეა წულუკიანმა.
სიახლეები
- განათლების, მეცნიერებისა და ახალგაზრდობის მინისტრად გივი მიქანაძე დაინიშნა
- “მადამ ფრანცუჟენკას გამოსვლა ოთხჯერ გადავახვიე და რა უნდოდა, ვერ გავიგე” - ზარქუა სალომე ზურაბიშვილზე
- როგორი ამინდია მოსალოდნელი საქართველოში – უახლოესი დღეების პროგნოზი
- “უკვე იმ დონეზე მივიდნენ, რომ ოპოზიცია შიმშილობს, რათა ოპოზიციას ხმა გააგონოს, ანუ ერთმანეთს რომ გააგონონ ხმა” – ზარქუა
- “ნაცვლად იმისა, რომ დასხდნენ და დაილაპარაკონ, ერთმანეთს შიმშილობას უწყობენ და ასე გადმოსცემენ საკუთარ სათქმელს” – ხვიჩია