მისივე თქმით, ამ ეტაპზე დაზუსტებით უცნობია იმ ადამიანების რაოდენობა, რომლებიც საქართველოში ომის შემდეგ ჩამოვიდნენ, რადგან აღნიშნული მონაცემები მუდმივად განახლებადია.

საქართველოში უკრაინის დროებითმა რწმუნებულმა მადლობა გადაუხადა ყველა იმ ადამიანს, ვინც უკრაინის მოქალაქეებს მასპინძლობს.

„ის მონაცემები, რომელიც გვქონდა და მუდმივად განახლებადია, 24 თებერვლამდეც იყვნენ ჩამოსულები და ომის მერე, 14 ათასია. საკითხი გვარდება საქართველოს მთავრობასთან და გაეროს ოფისთან, რომ მალევე მოხდეს ამის გადაჭრა, ასევე სხვა პარტნიორებთან და დიპლომატებთან ერთადაც. რადგან ომი მიმდინარეობს, ზუსტი რიცხვი რაოდენობასთან დაკავშირებით არ არსებობს, რადგან სულ იზრდება იმ ადამიანების მოთხოვნა, რომ მოვიდნენ უსაფრთხო ადგილას. დარწმუნები ვართ, რომ საქართველოს მთავრობასთან ერთად, ჩვენ ამ საკითხის გადაჭრას შევძლებთ, რადგან ერთობლივად ვმუშაობთ გაეროსთან და ვცდილობთ, რომ ამ ადამიანებს მიეცეთ ოფიციალური შესაძლებლობა აქ ყოფნის. ქართული ოჯახები, რომლებიც გვღებულობენ აქ საქართველოში, უღრმესი მადლობა ასეთი თბილი მიღებისთვის. უკრაინა და საქართველო მოძმე ერია, როგორც სიხარულში, ისე გაჭირვებაში, მაგრამ დარწმუნებული ვარ, გამარჯვება ჩვენი საერთო იქნება“, - განაცხადა ანდრეი კასიანოვმა.