მისი თქმით, დათვლილია ყველა, 165-ვე საარჩევნო უბნის მონაცემები.

„შედეგები ასეთია: საქართველოს პარლამენტის შუალედური არჩევნები: № 21 – ბესიკი წულეისკირი („თავისუფალი საქართველო”) 1 359 ხმა – 4,7%; №41 გიორგი ხახუბია („ქართული ოცნება – დემოკრატიული საქართველო“) 27 553 ხმა – 95.3%.

საკრებულოების შუალედური არჩევნები წინასწარი მონაცემები:

გურჯაანი – №41 ზურაბი მუხულიშვილი („ქართული ოცნება – დემოკრატიული საქართველო“) 1 347 ხმა; თიანეთი – №41 იოსებ მათურელი („ქართული ოცნება – დემოკრატიული საქართველო“) 345 ხმა;

ახალციხე – № 41 როინ ნებაძე („ქართული ოცნება – დემოკრატიული საქართველო“) 463 ხმა; ტყიბული – №41 გიორგი კერესელიძე („ქართული ოცნება – დემოკრატიული საქართველო“)-1 322 ხმა – 86.63%; №51 გიორგი გაგოშიძე (საინიციატივო ჯგუფი) 204 ხმა – 13.37%.

ქუთაისი – № 41 მიხეილ გიორგაძე („ქართული ოცნება – დემოკრატიული საქართველო“) 5 396 ხმა.

რაც შეეხება მერების რიგგარეშე არჩევნებს, აქ წინასწარი შედეგები შემდეგია:

ცაგერი – №41 ლევან ზალკალიანი („ქართული ოცნება – დემოკრატიული საქართველო“) 4 825 ხმა; თერჯოლა №41 მანუჩარ რობაქიძე („ქართული ოცნება – დემოკრატიული საქართველო“) – 11 511 ხმა“, – განაცხადა ცესკო-ს პრესსპიკერმა.

ნათია იოსელიანის განცხადებით, შემაჯამებელი ოქმები, ისევე როგორც ელექტრონული აპარატებიდან ამობეჭდილი წინასწარი შედეგების შესახებ ამონაწერი ატვირთულია ვებგვერდზე results.cec.gov.ge და ყველა დაინტერესებულ პირს აქვს შესაძლებლობა, გაეცნოს მათ.

„აღნიშნულ ვებგვერდზე მონაცემების ატვირთვა დაიწყო 29 აპრილს 20:30 საათიდან, ხოლო არჩევნების წინასწარი შედეგები 117 უბნის მიხედვით ცესკო-ს თავმჯდომარემ საარჩევნო უბნების დახურვიდან საათ-ნახევარში წარადგინა. ამ დროში წინასწარი შედეგის გამოქვეყნება არჩევნების მასშტაბის გათვალისწინებით უპრეცედენტოა“, – განაცხადა ნათია იოსელიანმა.

როგორც ცესკო-ს პრესსპიკერმა აღნიშნა, ნებისმიერ მსურველს შესაძლებლობა ჰქონდა, ონლაინ დაკვირვებოდა არჩევნების წინასწარი შედეგების შეჯამების პროცესს ცესკო-ში ინტერნეტ ტრანსლირების საშუალებით. ტრანსლაცია 360 გრადუსიანი ტექნოლოგიის გამოყენებით ცესკო-ს Facebook-ის, Youtube-სა და საარჩევნო ადმინისტრაციის ვებგვერდზე ხორციელდებოდა.

„კიდევ ერთხელ მინდა, მადლობა გადავუხადო თითოეულ ამომრჩეველს, ვინც მოვიდა საარჩევნო უბნებზე და გამოხატა თავისი ნება; ასევე, ყველა საარჩევნო ადმინისტრატორს, რომელთა ძალისხმევით საარჩევნო პროცესი მაღალ დონეზე იყო ადმინისტრირებული. ასევე, ყველა ჩართულ მხარეს, საერთაშორისო და ადგილობრივ დამკვირვებლებს, მედიას. განსაკუთრებულად მინდა, აღვნიშნო საერთაშორისო ვენდორი კომპანია „სმარტმატიკი“, რომელთა ტექნოლოგიური მხარდაჭერით შედგა გუშინდელი არჩევნები. ჩვენი თანამშრომლობის შედეგი ადასტურებს, რომ არჩევნები საერთო საქმეა“, – განაცხადა ნათია იოსელიანმა დღევანდელ ბრიფინგზე.