სხდომას საკრებულოს თავმჯდომარე, ირაკლი შენგელია უძღვებოდა

 საკითხის თანახმად, ქალაქ ქუთაისის მუნიციპალიტეტის ბიუჯეტში მე-2 ცვლილების განხორციელების მიზეზი გახდა საქართველოს მთავრობის 2025 წლის 11 მარტის N452 განკარგულება, რომლითაც ქალაქ ქუთაისის მუნიციპალიტეტს გამოეყო კაპიტალური ტრანსფერი 40 000,0 ათასი ლარის ოდენობით, საიდანაც განხორციელდება შემდეგი ინფრასტრუქტურული პროექტები: გზებისა და ტროტუარების კაპიტალური შეკეთება; სანიაღვრე სისტემის რეაბილიტაცია-მშენებლობა; მრავალსართულიანი სახლების ფასადების რეაბილიტაცია; სკვერების მოწყობა-რეაბილიტაცია; სპორტულგამაჯანსაღებელი ობიექტების მოწყობა-რეაბილიტაცია; მრავალბინიანი საცხოვრებელი სახლების ლიფტების რეაბილიტაცია; ქალაქის დასუფთავებისათვის საჭირო სხვადასხვა სახეობის სპეცტექნიკის (21 ერთეული) და ნაგავშემკრები კონტეინერების (1000) შეძენა;

ასევე „სტიქიის შედეგების სალიკვიდაციო ღონისძიებების განხორციელების თაობაზე“ საქართველოს მთავრობის 2025 წლის 30 იანვრის N186 განკარგულებით ქუთაისის მუნიციპალიტეტს გამოეყო 1 000,0 ათასი ლარი, ხოლო საჯარო სკოლების მოსწავლეთა ტრანსპორტირებისათვის საქართველოს მთავრობის 2025 წლის 24 იანვრის N146 განკარგულებით, მიზნობრივი ტრანსფერი 67,5 ათასი ლარის ოდენობით. ადგილობრივი საბიუჯეტო სახსრების ფარგლებში განხორციელდება შ.პ.ს. „ქუთაისის N4 შერეული პოლიკლინიკის“ შენობის რეაბილიტაცია 209,3 ათასი ლარი, გველესიანის ქ. N92 შენობის დაზიანებული ფასადის ნაწილობრივი რეაბილიტაცია 45,0 ათასი ლარი, მე17 სპორტული სკოლის რეაბილიტაცია 232,7 ათასი ლარი, შპს „ქართული ტრადიციების“ ფუნქციონირების ხელშეწყობა 100,0 ათასი ლარი

 

 

 საქართველოს ორგანული კანონში „ადგილობრივი თვითმმართველობის კოდექსში“ შეტანილ იქნა ცვლილება, კერძოდ კანონის მე-16 მუხლის მე-2 პუნქტის ,,კ1“ და ,,კ2“ ქვეპუნქტების მიხედვით მუნიციპალიტეტის საკუთარ უფლებამოსილებას დაემატა მუნიციპალიტეტის ტერიტორიაზე ავტოსადგურის განთავსების მიზანშეწონილობის შესახებ გადაწყვეტილების მიღება და მუნიციპალიტეტის ადმინისტრაციულ საზღვრებში არსებულ დასახლებაში ავტოსადგურის არარსებობის შემთხვევაში შესაბამისი ნორმატიული აქტით იმ დასახლებების ჩამონათვალის განსაზღვრა, სადაც სავალდებულო არ არის ავტოსადგურიდან რეისის გასვლა. აღნიშნულიდან გამომდინარე, ქალაქ ქუთაისის მუნიციპალიტეტის მერიის დებულებაში აისახება შესაბამისი ცვლილება.

 

 

 „ადგილობრივი თვითმმართველობის კოდექსში“ შეტანილ იქნა ცვლილება, კერძოდ კანონის მე-16 მუხლის მე-2 პუნქტის ,,კ1“ და ,,კ2“ ქვეპუნქტების მიხედვით მუნიციპალიტეტის საკუთარ უფლებამოსილებას დაემატა მუნიციპალიტეტის ტერიტორიაზე ავტოსადგურის განთავსების მიზანშეწონილობის შესახებ გადაწყვეტილების მიღება და მუნიციპალიტეტის ადმინისტრაციულ საზღვრებში არსებულ დასახლებაში ავტოსადგურის არარსებობის შემთხვევაში შესაბამისი ნორმატიული აქტით იმ დასახლებების ჩამონათვალის განსაზღვრა, სადაც სავალდებულო არ არის ავტოსადგურიდან რეისის გასვლა. აღნიშნულიდან გამომდინარე, სამსახურს ემატება უფლებამოსილება - „ქალაქ ქუთაისის მუნიციპალიტეტის ტერიტორიაზე ავტოსადგურის განთავსების მიზანშეწონილობის შესახებ წინადადებების მომზადება კომპეტენციის ფარგლებში“.

 

 

საკრებულოს მიმდინარე სხდომაზე შესაფასებლად და დასამტკიცებლად წარმოდგენილი იქნება ქალაქ ქუთაისის მუნიციპალიტეტის 2024 წლის ბიუჯეტის შესრულების ანგარიში. ქალაქ ქუთაისის მუნიციპალიტეტის 2024 წლის ბიუჯეტის შესრულების წლიური ანგარიში მომზადებულია მუნიციპალიტეტის მერიის სამსახურებიდან და მერიის მიერ დაფუძნებული ა(ა)იპ-ებიდან მოწოდებული ინფორმაციისა და საქართველოს საბიუჯეტო კოდექსის გათვალისწინებით, რომელიც მოიცავს ბიუჯეტის ბალანსს საბიუჯეტო კლასიფიკაციის მიხედვით, შემოსულობების, გადასახდელების და ნაშთის ცვლილების ფაქტობრივი მოცულობების შედარებას შესაბამისი პერიოდის გეგმიურ მაჩვენებლებთან, ბიუჯეტის ანგარიშებზე არსებულ ნაშთებს წლის დასაწყისისა და დასასრულისათვის, პროგრამების დაზუსტებულ ასიგნებებსა და გადახდილ თანხებს შორის შეუსაბამობის განმარტებას (30%-ზე მეტის არსებობის შემთხვევაში). ასევე, ინფორმაციას დასახული პრიორიტეტების ფარგლებში პროგრამების/ქვეპროგრამების მიხედვით განხორციელებული ღონისძიებების აღწერის და მიღწეული შედეგების, არასამეწარმეო (არაკომერციული) იურიდიული პირების ბიუჯეტების შესრულების წლიური მაჩვენებლების, სარეზერვო და წინა წლებში წარმოქმნილი დავალიანებების დაფარვისა და სასამართლოს გადაწყვეტილების აღსრულების ფონდებიდან გამოყოფილი სახსრების შესახებ.

 

 

საკითხის თანახმად, ურბანული, სოცილურ-ეკონომიკური, დემოგრაფიული, გარემოსდაცვითი კვლევები და მიდგომები წარმოდგენილია გენგეგმის კონცეფციაში, რომლის ანალიზისა და ზონირების რუკის ყოვეღდიურმა მოხმარებამ აჩვენა, რომ მასში შესატანია გარკვეული ცვლილებები, ვინაიდან ქალაქის სტრატეგიული განითარების დღევანდელი და სამომავლო პერსპექტივა არ არის თანხვედრაში გარკვეულ უბნებში სარეკომენდაციო ზონირების რუკასთან. მაგალითად: დ.აღმაშენებლის გამზირი, რომელიც გენგეგმის კონცეფციაში დაფიქსირებულია მაღალი ინტენსივობის საცხოვრებელ ზონად (სზ-4), ხოლო სამომავლო პერსპექტივაში მისი განვითარება მიზანშეწონილია ცენტრის ზონად. ილ. ჭავჭავაძის გამზირის გარკვეული ნაწილი,რომელიც გენგეგმის კონცეფციაზე მონიშნულია ინდუსტრიულ ზონად, შეუსაბამოა ქალაქის შემდგომი პერსპექტიული განვითარებისთვის, სტრატეგიული მნიშვნელობიდან გამომდინარე იგი ქუთაისის სატრანპორტო ინფრასტრუქტურის კარკასული ღერძია და მიგვაჩნია რომ, აღნიშნული ზონა ნაცვლად ინდუსტრიული ზონისა, უნდა იყოს ცენტრის ზონა. ასევე, გენგეგმის კონცეფციაში ქალაქის გარკვეული ნაწილი, რომელიც მოიაზრება დაბალი ინტესივობის საცხოვრებელ ზონად, უნდა განვითარდეს საშუალო ინტენსივობის საცხოვრებელ ზონად. საჭიროა კონკრეტული გადაწყვეტილებებისა და შეზღუდვების დაწესება, როგორიცაა: პატარა მიწის ნაკვეთების შემთხვევაში საპროექტო მიწის ნაკვეთების გაერთიანება, რის შემდგომაც, თუ ისინი დააკმაყოფილებენ მოთხოვნებს, ნაცვლად დაბალი ინტესივობის საცხოვრებელი ზონისა უნდა ჩანაცვლდეს საშუალო ინტესივობის საცხოვრებელი ზონით. ასევე, გენგეგმის კონცეფციაში ქალაქის გარკვეული ნაწილი, რომელიც მოიაზრება მაღალი ინტესივობის საცხოვრებელი ზონად შეუსაბამოა ქალაქ ქუთაისის მუნიციპალიტეტის პერსპექტიული განვითარებისათვის, შესაბამისად აღნიშნული ტერიტორიები უნდა გადაკეთდეს საქმიან ზონად.

საკითხის თანახმად, სსიპ - ქალაქ ქუთაისის N 40 საჯარო სკოლას მიენიჭება პედაგოგისა და საზოგადო მოღვაწის, ამავე სკოლის დამაარსებლის, მიხეილ არახამიას სახელი.

საკითხის თანახმად, ქალაქ ქუთაისის მუნიციპალიტეტის ქონების

 

პრივატიზაციისა და სარგებლობაში გასაცემი ობიექტების ნუსხიდან ამოიღეს 12 პუნქტი,

 

ხოლო დაემატა 524-536 პუნქტები.

 

მიღებული გადაწყვეტილების თანახმად ქალაქ ქუთაისის მუნიციპალიტეტის ქონების პრივატიზაციისა და სარგებლობაში გასაცემი ობიექტების გეგმიდან ამოიღეს 12 პუნქტი, ხოლო დაემატა №271-№282 პუნქტები.