"ეს „მეგობარი აქტი“ არ არის, მტრული აქტია, მისი თითოეული ჩანაწერის მიზანია, საქართველო გეოპოლიტიკური დაპირისპირების ახალ კერად გადაიქცეს"- ლევან მახაშვილი
აშშ-ის სენატში, საგარეო ურთიერთობათა კომიტეტში მხარდაჭერილი „მეგობარი აქტი“ ფარატინა ქაღალდია, რომელმაც შესაძლოა, დღის სინათლე საერთოდ ვერ ნახოს, – ამის შესახებ პარლამენტის ევროინტეგრაციის კომიტეტის თავმჯდომარემ, ლევან მახაშვილმა საქართველოს პირველ არხს განუცხადა.
მისი თქმით, ეს „მეგობარი აქტი“ არ არის, მტრული აქტია.
„ამ აქტის თითოეული ჩანაწერი ერთადერთ მიზანს ემსახურება, რომ საქართველო გეოპოლიტიკური დაპირისპირების ახალ კერად გადაიქცეს. ეს გათვითცნობიერებული თუ აქვთ ან სენატის საგარეო ურთიერთობათა კომიტეტში აქტის მხარდამჭერებს, ან ქართულ ოპოზიციას, მაშინ მათ ის პასუხისმგებლობაც აუცილებლად უნდა აიღონ, რაც ამ აქტის განხორციელებას, შესაძლოა, მოჰყვეს. დარწმუნებული ვარ, ეს აქტი დღის სინათლეს ვერ ნახავს, მხოლოდ ერთი კომიტეტის გადაწყვეტილებაა. მას დიდი გზა აქვს გასავლელი და არ მგონია, ძალაში შევიდეს. დიდი ალბათობით, ძალაში ვერც შევა“, – განაცხადა ლევან მახაშვილმა.
სიახლეები
- უკრაინელებს საქართველოში უვიზოდ ყოფნის ვადა სამი წლიდან ერთ წლამდე უმცირდებათ
- ,,ტრამპის ხელისუფლებაში მოსვლიდან გასულია 74 დღე და არათუ არაფერი არ შეცვლილა „ქართული ოცნების“ ბოროტმოქმედი, სამარცხვინო, რუსულ-ჩინურ-ირანული რეჟიმის სასიკეთოდ, პირიქით, წნეხი იზრდება"- გრიგოლ გეგელია
- მოლაპარაკებებისკენ მოწოდება - მსოფლიო ტრამპის ტარიფებზე რეაგირებს
- ,,როგორც აქ მოსმენილი ფაქტებით ირკვევა, ბატონი მამუკა და „თიბისი“ ბანკი „ნაციონალური მოძრაობის“ დროს გარკვეული ტიპის ხელის ბიჭები იყვნენ"- თეა წულუკიანი
- შინაგან საქმეთა სამინისტრომ სამი ნარკორეალიზატორი დააკავა
