“ოპოზიციონერების მხრიდან გირაოს გადაუხდელობაზე: ეს იმისთვის გააკეთეს, რომ შემდეგ ქალბატონი რაისა გამოვიდეს და თავისი რუსული აქცენტით თქვას, საქართველოში ოპოზიციის პოლიტიკურ ლიდერებს იჭერენო” - ზარქუა
“გადაეხადათ ის ჯარიმა და არ შეიცვლებოდა აღკვეთის ღონისძიება. ყველა ირჩევს თავის მომავალს, თავის გადაწყვეტილებას. ახლა [სურთ], დააბრალონ ვინმეს იმისთვის, რომ სურათი დახატონ, თითქოს აქ პოლიტპატიმრებს იჭერენ,” – ამის შესახებ ოპოზიციის წევრებზე საუბრისას მმართველი გუნდის წევრმა, ირაკლი ზარქუამ განაცხადა.
საუბარია ოპოზიციონერ ლიდერებზე, რომლებმაც, პარლამენტის დროებით საგამოძიებო კომისიაზე გამოუცხადებლობის გამო, სასამართლომ მიერ შეფარდებული გირაო არ გადაიხადეს და აღკვეთის ღონისძიება პატიმრობით შეეცვალათ.
“სავარაუდოდ, ამისთვის გააკეთეს, რომ შემდეგ ქალბატონი რაისა გამოვიდეს და თავისი რუსული აქცენტით თქვას, რომ საქართველოში ოპოზიციის პოლიტიკურ ლიდერებს იჭერენ.
სინამდვილეში, გადაიხადე, შე დალოცვილო – როგორც ვაშაძემ, ხაზარაძემ და ჯაფარიძემ გადაიხადა და გარეთ იქნები. მაგრამ, როცა შენ სასამართლოს პატივს არ სცემ, აბუჩად იგდებ, ეს არის სამართლებრივი სახელმწიფო და, შესაბამისად, ყველას მიეზღვება სამართლიანად,” – აცხადებს ირაკლი ზარქუა.
სიახლეები
- “"ძალიან მძიმე საყურებელია რაც ხდება. ვისაც გიხარიათ ან ვისთვისაც ეს სულ ერთია, ძალიან მალე საკუთარ თავზე გამოცდით რას ნიშნავს როცა უსამართლობისგან ვერც ერთი სახელმწიფო უწყება დაგიცავთ” - ლონდა თოლორაია
- 4 000 ლარით დააჯარიმეს ბაია პატარაია ფეისბუკ-სტატუსის გამო
- “ჩორჩანაში საგუშაგოს ჩადგმის შედეგად, არ დაგვიკარგავს არცერთი გოჯი მიწა” - “საქართველოსთვის”
- ,,სიძემ სიმამრი მოკლა” – რას ამბობენ ადგილობრივები ხაშურში მომხდარ მკვლელობაზე
- კარტოფილის ღვეზელი
