“დემოკრატია მხოლოდ მაშინ იძენს ძალას, როცა პრინციპებთან თანხვედრა სიტყვით კი არა, საქმით მტკიცდება” - ირაკლი შენგელია
ქუთაისის საკრებულოს თავმჯდომარე ირაკლი შენგელია "ლელოს" არჩევნებში მონაწილეობას ეხმაურება:
“გასაგებია, რომ ღირებულებებზე საუბარი ყველას არ უჭრის მარტივად მით უმეტეს მაშინ, როცა გადაწყვეტილებები ლირიკით კი არა, პრინციპებით და პასუხისმგებლობით უნდა იზომებოდეს. თუმცა როცა თვითონვე არღვევთ საკუთარ სიტყვას და პრინციპს, გაუჭირდება საზოგადოებას თქვენი ნდობა, მით უფრო, როცა წარსულის პოლიტიკური განცხადებებით საკუთარი პოზიციის დელეგიტიმაციას ახდენთ.
დღეს ქუთაისში კვლავ იგრძნობა მოლოდინი მორიგი პოლიტიკოსის, რომელიც წინასაარჩევნო პერიოდში გამოჩნდება ხალხზე ზრუნვის რიტორიკით.
მაგრამ გამოცდილებამ გვაჩვენა, რომ მხოლოდ რიტორიკა აღარ კმარა. დემოკრატია მხოლოდ მაშინ იძენს ძალას, როცა პრინციპებთან თანხვედრა სიტყვით კი არა, საქმით მტკიცდება.
სამწუხაროდ, სწორედ ამ საკვანძო წერტილში ხდება თანმიმდევრულობის დაკარგვა და იქ, სადაც პოლიტიკა ემთხვევა საკუთარ წარსულს და საზოგადოებას ვერ სთავაზობს ახალ და სამართლიან ხედვას, მარცხიც გარდაუვალია არა მხოლოდ ქუთაისში, არამედ ყველა მუნიციპალიტეტში” - აცხადებს ირაკლი შენგელია.
სიახლეები
- „ლელო - ძლიერი საქართველო” თვითმმართველობის არჩევნებში მონაწილეობას მიიღებს
- “თუ არალეგიტიმურია მთავრობა, ცესკო ლეგიტიმური როგორ არის” - ირაკლი ზარქუა ოპოზიციაზე
- ტორტი „ესპრესო“
- “საინტერესო იყო, არ შეიძლება, არსებობდეს ქვეყანა და პრობლემა არ ჰქონდეს ან ეკონომიკური, ან სოციალური, ასეთი ქვეყნები არ არსებობს, სამოთხეში არ არის ასეთი რამ” - თემურ ჭყონია პრემიერთან შეხვედრაზე
- “არ ვაპირებთ არც ე.წ. შეწყალების თხოვნით მიმართვას და არც ე.წ. ადგილობრივ არჩევნებში მონაწილეობას” - „კოალიცია ცვლილებისთვის“