“ეს არის ქართველი ხალხის დასჯის მცდელობა” - კახა კალაძე ევროკავშირთან უვიზო მიმოსვლის შესაძლო შეჩერებაზე
„ეს არის ქართველი ხალხის დასჯის მცდელობა“, – ამის შესახებ დედაქალაქის მერმა, კახა კალაძემ, ევროკავშირთან ვიზალიბერალიზაციის შესაძლო გაუქმებისა და საქართველოს ხელისუფლებისთვის ევროკავშირის მიერ დაყენებული პირობების შესრულების ვადის 31 აგვისტოს ამოწურვის თაობაზე განაცხადა.
როგორც კახა კალაძემ ჟურნალისტებთან საუბრისას აღნიშნა, ყველა განცხადება იმის შესახებ, თითქოს ისინი ზრუნავენ ქართველ ხალხზე, ყალბია და ისინი თავიანთ ინტერესებს ემსახურებიან.
„ეს არის უბრალოდ ქართველი ხალხის დასჯის მცდელობა. თქვენ არ გეგონოთ, მათ რაიმე კარგი ინტერესი აქვთ საქართველოსთან დაკავშირებით. ის განცხადებები, რასაც ვისმენთ, აბსოლუტურად ყველა არის ყალბი. თითქოსდა, გაგიჟებულები არიან საქართველოზე და ზრუნავენ ქართველ ხალხზე. არ დაიჯეროთ, მეგობრებო. ეს არის ძალიან დიდი ტყუილი, სიცრუე. თუ მართლაც ნამდვილი მეგობრები არიან, მაშინ არ მოგვიწოდებდნენ, რომ სანქციებს მიერთებოდა ქვეყანა, ამაზე რეზოლუციებს არ მიიღებდნენ და კაბინეტებში პრემიერ-მინისტრისა და პარტიის თავმჯდომარის შანტაჟი არ იქნებოდა იმასთან დაკავშირებით, რომ მეორე ფრონტი გახსნილიყო,“ – განაცხადა კახა კალაძემ.
მისი თქმით, დიდ სახელმწიფოებს აქვთ თავიანთი ინტერესები და საქართველომ უნდა გააგრძელოს პრაგმატული პოლიტიკა.
„მათ აქვთ თავიანთი ინტერესები და ესეც გასაგებია. პოლიტიკაა, დიდი ქვეყნებია, თავიანთი ინტერესები აქვთ, მაგრამ ჩვენ ხომ გვაქვს ჭკუა – არავის უნდა მივცეთ შესაძლებლობა, რომ ჩვენი პატარა ქვეყანა გამოყენებული იყოს რომელიღაცა დიდი ქვეყნის ინტერესებისთვის. შესაბამისად, უნდა გაგრძელდეს ის პრაგმატული პოლიტიკა, რომელსაც „ქართული ოცნება – დემოკრატიული საქართველო“ ახორციელებს“, – განაცხადა კახა კალაძემ.
სიახლეები
- “მოგიწოდებენ სანქცია დაუწესო რუსეთს, მოგიწოდებენ რომ მოხალისეები გააგზავნო, თვითონ კი ჩირგვებში არიან, ბიზნესს აკეთებენ “ - ირაკლი ზარქუა
- “რევოლუცია აქ არ მოხდება, გამორიცხულია” - ირაკლი ზარქუა
- “როცა შენს თავს არ ეკუთვნი, მაშინ გადაწყვეტილების მიღების პროცესიც შესაბამისად გიჭიანურდება, ეს ხალხი არ ეკუთვნის თავის თავს – ისინი ვერ უზრუნველყოფენ ვერც სინათლეს და ვერც პროგრესს” - მამუკა მდინარაძე რადიკალურ ოპოზიციაზე
- მამუკა მდინარაძე გავრცელებულ ინფორმაციაზე, რომ ლიეტუვაში, დიდი ბრიტანეთი ქართველ აქტივისტებს ოქტომბრის არჩევნებისთვის ამზადებს, აცხადებს, რომ მიზანი საქართველოში არეულობის მოწყობა და ხელისუფლების ცვლილებაა
- “ჩვენ საკუთარი ქვეყნის მაგალითზე დავრწმუნდით და ვიგრძენით, თუ რამდენად მნიშვნელოვანია, ქვეყანაში შენარჩუნდეს გრძელვადიანი მშვიდობა” - კახა კალაძე
