"ყველა ნაბიჯი, რომელიც ჟენევის ქმედითობას კითხვის ნიშნის ქვეშ დააყენებს, ჩვენთვის კატეგორიულად მიუღებელია"
პრემიერ-მინისტრ გიორგი გახარიას განცხადებით, ჟენევის მოლაპარაკებების ჩაშლა საქართველოს მიუღებლად მიაჩნია.
როგორც მან დღევანდელ ბრიფინგზე განაცხადა, ჟენევის მოლაპარაკებები უკიდურესად მნიშვნელოვანი და ქმედითი ფორმატია.
„ჟენევა ჩვენთვის არის უკიდურესად მნიშვნელოვანი ფორმატი, რამეთუ ის ფაქტობრივად, ერთადერთი ქმედითი ფორმატია. ყველა ნაბიჯი, რომელიც ჟენევის ქმედითობას კითხვის ნიშნის ქვეშ დააყენებს, ჩვენთვის კატეგორიულად მიუღებელია, განსაკუთრებით კოვიდ 19-ის, გლობალური პანდემიის პირობებში, განსაკუთრებით მაშინ, როდესაც საოკუპაციო ხაზი არის ჩაკეტილი და ადამიანებს პირველადი სამედიცინო დახმარების მიღების ელემენტარული შესაძლებლობა არ აქვთ. მიუხედავად იმის, რომ ჩვენ ვცდილობთ ყველანაირად დავეხმაროთ ჩვენს მოქალაქეებს საოკუპაციო ხაზს მიღმა, სამწუხაროდ, ხშირ შემთხვევაში, ამის შესაძლებლობა უბრალოდ არ გვეძლევა. ამიტომ, ჟენევის მოლაპარაკებების, განსაკუთრებით ასეთ დროს ჩაშლა, ჩვენთვის სრულიად მიუღებელია“, - განაცხადა გახარიამ.
ცნობისთვის, რუსეთის ფედერაციის წარმომადგენელთა მხრიდან ჟენევის საერთაშორისო მოლაპარაკებების 51-ე რაუნდი ჩაიშალა. მორიგი შეხვედრა 6-7 ოქტომბერს უნდა გამართულიყო.
სიახლეები
- სომხეთი აშშ-სთან ერთად ატომური სადგურის აშენებას გეგმავს
- შსს-მ ბათუმში პარაშუტის ჩამოვარდნასთან დაკავშირებით, რა დროსაც ერთი ადამიანი დაიღუპა, ერთი კი დაშავდა, გამოძიება დაიწყო
- "მშვიდობის მეორე სამიტს რუსეთის წარმომადგენლები უნდა დაესწრონ, მაგრამ არ ვარ დარწმუნებული, რომ ეს პუტინი იქნება " - ზელენსკი
- "ხელისუფლება თუ არ შევცვალეთ, ძალიან დიდი პრობლემები ელოდება საქართველოს სახელმწიფოს და საქართველოს მოქალაქეს"
- კრემლი ფსონს კალაძეზე დებს? - რატომ დაიწყო რუსულ მედიაში საუბარი თბილისის მერის მოსალოდნელ პრემიერობაზე